Р.Аюповтың төрағалығымен фракцияның алғашқы отырысы өтті

Бүгін «Nur Otan” партиясы Түркістан қалалық филиалының төрағасы Рашид Аюповтың төрағалығымен фракцияның алғашқы отырысы өтті.

Жаңадан сайланған депутаттардың бірауыздан қолдауының нәтижесінде Түркістан қалалық мәслихатындағы «Nur Otan” партиясы фракциясының басшысы болып Ішкі саясат, ұйымдастыру-инспекторлық және басқа да бөлімдерде келелі қызмет жасаған Дарын Жаппарқұл сайланды.

Сондай-ақ, мәслихат сессиясына төраға ретінде қала әкімі орынбасары қызметін атқарып келген Тәжібек Мұсаевтың, қалалық мәслихаттың хатшысы лауазымына төраға ретінде мемлекеттік қызметте, оның ішінде қала әкімінің орынбасары, қаржы және коммуналдық шаруашылық бөлімдерінде нәтижелі жұмыс атқарған Мақсат Таңғатаровтың кандидатурасы ұсынылды. Рашид Абатұлы осыған дейін Мәслихат хатшысы қызметін атқарып келген Ғаппар Сәрсенбаевқа атқарған еңбегі үшін алғыс білдірді.

Сонымен бірге, тұрақты комиссиялардың төрағасына құрылыс, коммуналдық қызмет және басқа бағыт бойынша Сүлеймен Арыстановтың, бюджет және әлеметтік даму бағыты бойынша Тәжібек Мұсаевтың, денсаулық сақтау, білім, ғылым, мәдениет және жастар ісі, туризм, спорт бағыттары бойынша Ғаппар Сәрсенбаевтың, экология және табиғатты қорғау саласы бойынша Жәмила Сүлейменованың кандидатурасы ұсынылды.

Айта кетейік, кеше қалалық мәслихатқа үмітті депутаттар тізімі жарияланған болатын. Құрамы 60 пайызға жаңарған қалалық партия фракциясында алдағы уақытта әр депутаттың іс-әрекетінің партия беделіне сай болуы үшін назарда болады. Сондай-ақ, халық қалаулылары халықпен етене жұмыс істеп, өтініштер мен мәселелерге ерекше назарын бұрады.