Үшінші мегаполисте карантин режимін жеңілдетудің 4-кезеңі басталады. Бұл туралы бүгін Шымкент қаласы әкімінің орынбасары Мақсұт Исахов брифинг барысында мәлімдеді.
Маусым айының алғашқы аптасынан бастап, қаладағы мына нысандар санитарлық талаптарды қатаң сақтай отырып өз жұмыстарын бастайды.
1. Азық-түлік пен қажетті тауарларды сататын супермаркеттер, гипермаркеттер мен сауда желілерінің жұмыс уақыты 21:00-ге дейін ұзартылды.
2. Қоғамдық тамақтану орындары, жазғы алаңдар 06:00- ден 21:00-ге дейін жұмыс жасайды. Алайда, келушілер 50 адамнан аспауы қажет.Қалада тіркелген — 1320 нысан бар. Қамтылған 15000 орын.
3. Жаттығу залы, фитнес орталықтар 21:00-ге дейін жұмыс жасайды. Тіркелгені — 45 нысан. Қамтылған — 400 адам.
4. Сауналар мен SPA-салондар, жеке кабинасы бар моншалар 21:00-ге дейін. Тіркелген 40 нысан бар. Қамтылған 200 адам.
5. Жанар-жағармай станциялары жанындағы дүкендер қалыпты режимде жұмыс жасайды.
6. Спорттық және мәдени нысандар. Бірақ, жарыстар көрермендердің қатысуынсыз өтуі қажет.
7. «Азаматтарға арналған үкімет» Мемлекеттік корпарациясы КЕАҚ қалыпты режимде жұмыс жасайды.
8. Теміржол қатынасын қалпына келтіру және блокпосттарды ашу
9. Білім беру орталықтары, үйірмелер, дайындық топтары. Әр топта 15 адамнан аспауы қажет.
10. Балабақшадағы арнайы топтар өз жұмысын бастайды. Тек балабақшаға келетін баланың ата-анасы жұмыс істейтін болуы керек. Яғни жұмыс орнынан анықтама алып келіп, көрсету міндеттеледі. Бұл бойынша қалада 529 нысан тіркелген.
11. Автокөлік және мал сататын базарларда ашылады. Мұнда да санитарлық талаптар қатаң сақталады.
12. Ал, кинотеатрлар 15 маусымнан бастап іске қосылмақ. Айта кетейік, бұл орындардың барлығында санитарлық талаптар сақталуы тиіс. Олай болмаған жағдай да тиісті шаралар көрілетін болады. Сондай-ақ Шымкент қаласының әкімдігі тұрғындарға медициналық бетпердені қоғамдық орындарда шешпеуді сұрайды.