Қазақ тілін білу азаматтық борыш

 Қазақстан халық Ассамблеясында ұйымдастырылған мәжіліске  әр ұлт өкілдерінің өскелең ұрпақтары болса да, жүректері «қазақ» деп соғып тұрған мегаполис жастары бас қосты. «Ұлы даланың ұлтаралық тілі» тақырыбында өзара піріп алмасып, жастар өз замандастарын мемлекеттік тілді оқып үйренуге шақырды. Ол үшін арнайы Қазақстан халық Ассамблеясында үйірме жұмысын бастап кеткен.

Тіл — тәуелсіздігіміздің қуатты құралы, аксыл ой мен парасат белгісі, еліміздің бен бірлігіміздің туы. Еліміз тәуелсіздік алғалы бері жүргізіліп келе жатқан тіл саясатының арқасында қазіргі таңда тіл туралы онда қоғамдық көзқарас қалыптасып отыр. Мемлекеттік тіл мәртебесіне ие қазақ тілі бүгінде ұлттық руханиятымыздың өзегіне айналды. «Ұлы даланың ұлтаралық тілі» тақырыбында жастар көкейінде жүрген ойларын ортаға салды. Еркін форматта өткен жиында әрбір жас өз ойларын жеткізді. Көпұлтты мемлекетте қазақ тілінің мемлекеттік тіл мәртебесіне сай қызмет етуін қамтамасыз ету — өте күрделі мәселе. Үкімет мемлекеттік тіл – қазақ тілінің қолданыс аясын кеңейту, оны азаматтардың барлығы меңгеруі үшін қажетті материалдық-техникалық жағ­дайларды жасауға көмектесуде.Осы орайда, қазақ тілін үйренемін деген мегаполис тұрғындарына Қазақстан Халық Ассамблеясында арнайы үйірме жұмыс істеуде.

Басқа ұлт өкілдерінің диаспорасы болып табылатын қазақстандықтар бүгінгі таңда қандай этникалық топқа жататындығына қарамастан қазақ тілі мен мәдениетіне оның мемлекеттік қызметінің сақталуы мен нығаюының маңыздылығына көңіл бөлуде. Бұған дәлел жиында қатысушы жастар түгелдей қазақ тілінде сөйлеуі, тіпті, ұлттық домбырамыз қолға алып күй тарқан мегаполистіктерде болды.

Қазақстан Республикасы көпұлтты унитарлы мемлекет. Осы орайда, республика тұрғындарының татулығы мен бейбітшілігін сақтап, ұлтаралық бірліктің маңыздылығын негіздейтін ең негізгі факторы — қазақ тілі десек артық болмас. Сондықтан бәріміз бірігіп мемлекетіміздің тәуелсіздігінің басты белгісі ана тіліміз — қазақ тілінің мәртебесін көтеріп, қолдану аясын кеңейтуіміз шарт.

Айғақ-ақпарат