Бүгін «Nur Otan» партиясы Түркістан облыстық филиалы Нұр-Сұлтан қаласында өткен партияның Саяси кеңесінің кеңейтілген отырысында қаралған өзекті мәселелер мен оны облыс аймағында іске асырудың тиімді жолдарын талқылау мақсатында Саяси Кеңес мәжілісін өткізді.
Мәжіліске «Nur Otan» партиясы Түркістан облыстық филиалының төрағасы, облыс әкімі Шөкеев Өмірзақ Естайұлы мен саяси кеңестің мүшелері мен қоғам өкілдері мен аудандық мәслихат хатшылары, фракция жетекшілері қатысты.
21 тамыз күні Елордада Елбасы, «Nur Otan» партиясының төрағасы Нұрсұлтан Назарбаев пен Қазақстан президенті Қасым-Жомарт Тоқаевтың қатысуымен «Nur Otan» партиясы Саяси Кеңесінің кеңейтілген отырысында Елбасы «Сенім. Диалог. Болашаққа нық қадам» – «Nur Otan» партиясының 7 серпіні» атты партия жұмысын жүйелі жаңғырту бағдарламасын ұсынған болатын.
Осы орайда, өңір басшысы Ө.Шөкеев жаңғырту бағдарламасына кеңінен тоқталып, облыста жүзеге асыру барысы бойынша бірқатар тапсырмалар жүктеді. «Бірінші, партияның белсенді мүшелерін айқындап алуымыз қажет. Партияда ел дегенде жанашырлықпен жұмыс істейтін, халыққа шын жаны ашитын белсенділер жүруі керек. Арыс қаласындағы жүйе секілді әр ауданнан белсенді 10 адамнан жинап, партия атынан халықпен тығыз жұмыс істейтін оперативтік топ құруды тапсырамын. Екінші, бір тараптан жергілікті әкімдік, басқарма басшылары екінші тараптан зиялы қауым, белсенділерді тарта отырып диалогтық алаң құрып, пікір-сайыстар өткізуіміз қажет. Үшінші, қоғамдағы тамырын тереңге жайған жемқорлық індетімен күресу мәселесі. Күресу үшін ең алдымен, облыстағы үкіметтік емес ұйымдар, азаматтық сектор өкілдерімен анализ жасап, жұмыс жоспарын түзіп, бірге жұмыс жүргізу қажет. Төртінші, партия азаматтардың өзекті мәселелерін шешуде, олардың әлеуметтік жағдайын түзеуге көмек көрсетуі тиіс. Мысалы, халқы тығыз қоныстанған оңтүстік өңірден солтүстікке көшіру бойынша «Еңбек» бағдарламасын қазір «Nur Otan» партиясының Түркістан облыстық филиалы жақсы насихаттауда. Осы бағыттағы жұмысты жалғастыру қажет. Бесінші, партияда қарапайым халықпен қатар кәсіпкерлерге заң жүзінде кеңес беріп, олардың арыз-шағымын тыңдайтын Қоғамдық бизнес-қабылдау ашылуы қажет. Алтыншы, облыстағы, аудандағы әлеуметтік-экономикалық, саяси жағдайды насихаттауда, өзекті мәселелерді бұқаралық ақпарат құралдары айтуы керек, жазуы керек. Дегенмен, БАҚ жалған ақпарат тарату, бопсалаумен айналыспауы тиіс. Жетінші, Елбасы тапсырмасына сәйкес «Болашаққа бағдар: Рухани жаңғыру» бағдарламалық мақаласы аясында «Ауыл ел — бесігі» жобасы біздің облыста қарқынды жүзеге асуда.
Биылдың өзінде 4 млрд. теңге көлемінде аудандарға қаражаттар бөлініп, тиісті жұмыстар басталып кетті. Осы халықтық жобаның жүзеге асуын партиялық бақылауға алып, сапалы орындалуын тапсырамын.»-деді.
Сондай-ақ, облыстық партия филиалы төрағасының бірінші орынбасары Б.Тәжібаев соңғы жылдары облыс көлемінде балалар арасындағы қылмыс, әлімжеттік, бала құқығының аяқ асты болуы күрт артып кетуіне байланысты отбасы институтын қолдауға бағытталған «Бақытты отбасы» жобасы аясында облыс бойынша өмірлік қиын жағдайдағы көпбалалы отбасыларға мониторинг жүргізілуде.
Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы шеңберінде 2019 жылы 71 828 адамды жұмыспен қамту шараларына қатыстыру жоспарланып, нақты 43 296 адам жұмыспен қамту шараларына қатысқан (60,2%).
Облыстағы жол саласына да тұрғындар тарапынан көп шағым түсуде. Статистикаға сүйенсек, осы аудандар бағытындағы жол нашарлығынан 2019 жылдың алғашқы 7 айында 117 жол-көлік оқиғасы тіркеліп, 16 адам қайтыс болған. Сондықтан, жолдарды жаңартып және осы бағыттағы жұмысты жандандыру үшін партияның XVIII Съезінде қабылдаған «Құтты мекен» жобасы аясында партиялық бақылауды күшейту қажет екендігін атап өтті.
«Nur Otan» партиясы Түркістан облыстық филиалының жанынан «Түркістан талқы» диалогтық алаңын іске қосуды жоспарлап отыр. Осы жоба арқылы біз қоғамдағы, өңірдегі ең өзекті мәселелерді ашық талқылаймыз. Елдің пікірін тыңдаймыз. Халықпен диалог орнатуда осы бастама тың серпін береді деген сенімдемін.
Сондай-ақ, мемлекеттік бағдарламалардың орындалуы бойынша өткізілетін партиялық тыңдаулардың жұмысын күшейтіп, облыстық маслихаттағы «Nur Otan» партиясының депутаттық фракциясының рөлін арттырмақ.
«Құтты мекен» жобасы аясында да Түркістан қаласы мен облыс көлемінде жүргізіліп жатқан құрылыс нысандарына партиялық бақылауды күшейтіп, Арыстағы зақымданған, бұзылған нысандарды қалпына келтіру жұмыстарын қадағалауды күшейтеді.»-деді партия төрағасының бірінші орынбасары Б.Тәжібаев.
Мәжіліс барысында күн тәртібіне сәйкес «NurOtan» партиясы Саяси кеңесінің мүшесі, облыстық мәслихат депутаты Н.Әбішев пен ақын, Оңтүстік Қазақстан Мемлекеттік Педагогикалық Университеті жанындағы «Айтыс» орталығының жетекшісі Б.Байтуов пен Түркістан гуманитарлық-техникалық колледжінің директоры, «Маман» бастауыш партия ұйымының төрағасы А.Апбазовтардың арнайы баяндамасы тыңдалды.
Жиын соңында Саяси кеңес мәжілісінің қаулысы қабылданды.