9 елдің хирург-дәрігерлері бір үстелде бас қосты. Отырыстың мақсаты қатерлі ісікті заманауи жолмен емдеу. Мамандар енді науқасты дертінен айықтыруда дәстүрлі отаны емес, консервативті және инвазивті тәсілмен емдеудің жаңа мүмкіндіктерін қарастырды.
Мамандар қатерлі дертті емдеуде дәстүрлі тәсілдермен қатар, ағзаға мүмкіндігінше аз жарақат келтіріп, үлкен тіліктерді болдырмауға көбірек күш салмақ. Өтіп жатқан шараның негізгі мақсаты – заманауи медициналық әдістерді жергілікті клиникалық тәжірибеге енгізіп, науқастарға көрсетілетін көмектің сапасын арттыру.Шет елден келген халықаралық шараға Ресейдің интервенциялық хирургтары, Оңтүстік Корея мен Моңғолияның мамандары арнайы келген. Сондай-ақ Өзбекстан мен Қырғызстаннан келген хирургтар тәжірибесімен бөлісуде. Ал Франция мен Австралияның жетекші онкологтары іс-шараға онлайн форматта қосылды.
Жиын барысында қалқанша безі, бүйрек және бауыр ісіктерін емдеудің жоғары технологиялық тәсілдеріне басымдық берілмек. Екі күн ішінде шамамен 15 ота өткізу жоспарланған. Операция нәтижесінде мамандар қолданыстағы әдістерді жетілдіріп қана қоймай, жаңа технологияларды тәжірибеде меңгереді.
