Шымкент қаласында Қаратау ауданының әкімі ауысты

Алтыншы шақырылған Шымкент қалалық мәслихатының кезектен тыс елу төртінші сессиясында ҚР Президент әкімшілігінің келісімімен, Шымкент қаласының әкімі Ерлан Айтахановтың өкімімен Қаратау ауданының әкімі болып Абзал Шымкентбайұлы Әліқұлов тағайындалды.
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына сәйкес, қалалық мәслихаттың кезектен тыс елу төртінші сессиясында жаңа аудан әкімінің кандидатурасы мақұлданды.

Абзал Шымкентбайұлы 1972 жылы туылған, білімі жоғары. Қазақ мемлекеттік аграрлық университетін және Халықаралық гуманитарлы-техникалық университетін бітірген, мамандығы бойынша біліктілігі – экономист-менеджер және заңгер.
Еңбек жолын 1989 жылы Оңтүстік Қазақстан облысы Шардара ауданы «Юбилейный» совхозының статисі болып бастаған. 1997-2007 жылдары Оңтүстік Қазақстан облысының Төлеби ауданы Төлеби біріккен қалалық әскери комиссариатының қаржы-шаруашылық бөлімінің бастығы, Оңтүстік Қазақстан облыстық әскери комиссариатының 1-ші бөлім бастығының көмекшісі, Оңтүстік Қазақстан облысының қорғаныс істері жөніндегі департаментінде әскери қызметтің офицерлік құрамында қызмет еткен.
2007-2008 жылдары Шымкент қаласының тұрғын үй-коммуналдық шаруашылық, жолаушылар көлігі және автомобиль жолдары бөлім меңгерушісінің орынбасары, Оңтүстік Қазақстан облысы экономика және бюджеттік жоспарлау департаментінің денсаулық сақтау бөлімінің бастығы, Оңтүстік Қазақстан облысы экономика және бюджеттік жоспарлау департаменті директорының орынбасары лауазымдарын атқарған.
2008-2012 жылдары Шымкент қаласы Еңбекші ауданының әкімі, Шымкент қаласы әкімінің орынбасары, Шымкент қаласы әкімінің кеңесшісі ретінде қызмет атқарған. 2012-2018 жылдары Оңтүстік Қазақстан облысы Еңбекші аудандық салық комитетінің бөлім бастығы, Оңтүстік Қазақстан облысы Арыс қаласы әкімінің орынбасары, Оңтүстік Қазақстан облысы жастар саясаты мәселелері басқармасының басшысы, Облыс әкімінің бас инспекторы – ұйымдастыру-инспекторлық бөлімі басшысының орынбасары, Оңтүстік Қазақстан облысы энергетика және тұрғын үй-коммуналдық шаруашылық басқармасы басшысының орынбасары, Түркістан облысының энергетика және тұрғын үй-коммуналдық шаруашылық басқармасы басшысының орынбасары лауазымдарын атқарған. 2018-2019 жылдары Түркістан облысы бойынша Мемлекеттік кірістер департаментінің «Түркістан» кеден бекетінің басшысы ретінде қызмет атқарған.
2019 жылдың сәуір айынан бүгінгі күнге дейін Түркістан облысы бойынша Мемлекеттік кірістер департаментінің Тауарлар шығарылғаннан кейінгі кедендік бақылау басқармасының басшысы лауазымында еңбек еткен.

Оқи отырыңыз...

Шымкентте дәрі-дәрмек тапшы

06.07.2020

Төлеби ауданында селден зақым келген 42 үй жаңадан салынуда

06.07.2020