Еңбек инспекциясы Түркістан облысы бойынша 641 заң бұзушылықты анықтады

Түркістан облысының еңбек инспекциясы жөніндегі басқармасының басшысы Алмасбек Мамытбеков 2018 жылдың 12 айында атқарған жұмысы туралы есеп берді. Еңбек құқықтарын сақтауды басты назарда ұстаған басқарманың атқарған жұмыстары біршама.  Маңдайдың терін төгіп еткен еңбегінің ақысын ала алмаған 4 мекеменің 466 жұмыскері арыз түсірген. Ол 126,6 млн. теңгені құрайды. Мемлекеттік еңбек инспекторларының талабымен оның 82,9 млн. теңгесі төленіпті. Ал осы жылдың басынан бастап 2 мекемеде 73 жұмыскердің алдында   43,7 млн. теңге көлемінде жалақы қарызын қайтарған.

Айтап айтқанда, Сайрам ауданындағы «Stratus-Oil» ЖШС-нің 67 жұмыскер алдында 42,9 млн теңге, Арыс қаласындағы » СпецАтомСервис» ЖШС-нің 6 жұмыскер алдында 0,8  млн теңге жалақы қарыздары бар. Бүгінгі таңда осы мәселе бойынша тиісті жұмыстар жүргізілуде екен. Еңбектің ақысын жеуге ешкімнің хақысы жоқ. Заң бұзған мекемелерге 1,723 млн теңге көлемінде 6 əкімшілік айыппұл салынған.  Бұл Түркістан облысы бойынша мəлімет. ҚР Президентінің Шымкент қаласына республикалық маңызы бар қаласы берілгендіктен, қала бойынша тіркелген мәліметтер Шымкент қаласының еңбек инспекциясы және көші-қон басқармасының қарауына өткізіліпті.
Еңбек қауіпсіздігі жəне еңбекті  қорғау талаптарының бұзылуы бойынша 78 заң бұзушылық анықталған. Басым көпшілігі жұмыскерлерді оқыту жəне нұсқама беру тəртібін бұзған.Нəпақа табамын деп, жазатайым оқиға салдарынан 124 адам зардап шеккен. Өкінішке орай, 24 адам қайтыс болыпты. «Халықты жұмыспен қамту туралы» ҚР Заңының 9 бабы 2 тармағының 2 тармақшасын, яғни жұмыс берушіні өкілетті органға  бос тұрған жұмыс орындары туралы үш күн ішінде мəлімет жіберуді міндеттейді. Облыстағы бірқатар кəсіпорындар мен мекемелер бұл ережені сақтамайды. 2018 жылдың  12 айында  69 кəсіпорнында дəл осы талап  орындалмаған. 168 əрекет тіркелген. Сонымен қатар еңбек инспекциясы басқармасының шетел капиталының қатысуымен тіркелген мекемелерді тексеріп, əлеуметтік дауларға жол бермеген. 2018 жыл  істің оң нəтижесімен қорытындыланыпты.Халықтың сауатты болуы — заң бұзушылықты төмендетеді. Сондықтан аталған басқарма ұжымдармен кездесіп те, бұқаралық ақпарат құралдарымен де түсіндірме жұмыстарын жүргізіп келеді. Еңбектері еселі болғай!

«Айғақ-ақпарат».