5064 гектар суармалы жер қайта айналымға қосылмақ

 Су мәселесі сауатты шешілмек. Түлкібас ауданында 2022 жылға дейін аудан аумағындағы 13 су нысанына күрделі жөндеу жұмыстары жүргізіліп, нәтижесінде 7015 гектар суармалы жер қайта айналымға қосылмақ. Егіс алқаптарындағы ағын судың тапшылығы мәселесінің шешілуі шаруа қожалықтарының шығындарын азайтып, олардың өнімдерінің бәсекеге қабілеттілігн арттыруға мүмкіндік береді.Түлкібас ауданында көп жылдан бері шешімін таппай келе жатқан ағынды су мәселесі кезең-кезеңімен шешімін табуда. Оған дәлел, аудан аумағындағы суармалы жерлердің көлемі ұлғайып келеді. Балықты ауылдық округіне қарасты «Боз» каналының жалпы ұзындығы  9,8 шақырымды құрайды. Аталмыщш су нысанына күрделі жөндеу жұмыстары тамыз айының орта тұсында бастау алып, жыл соңына дейін толығымен аяқталуы жоспарланып отыр. Биылғы жылдың соңына дейін 13 нысанның жетеуіне темір бетонмен қаптау жұмыстары жүргізіліп, нәтижесінде жалпы ұзындығы  69,1 шақырымды құрайтын «Құлый», «Танта», «Бесқасқа», «Бала Құлан» магистралды каналдары 5064 гектар ауыл шаруашылығы бағытындағы жерді ағынды сумен қамтымақ.