АҚШ Президенті Дональд Трамп Қасым-Жомарт Тоқаевты және Қазақстан халқын Наурыз мерекесімен құттықтады, — деп хабарлайды Қазақстан Республикасының Сыртқы істер министрлігі.
Бейресми аударма СІМ-нің телеграм каналында жарияланды.
АҚ ҮЙ
ВАШИНГТОН
20 наурыз 2020 ж.
Жоғары мәртебелі Қасым-Жомарт Тоқаевқа
Қазақстан Республикасының Президенті
Нұр-Сұлтан қ.
Құрметті Президент мырза,
Сізге, Сіздің отбасыңызға және Қазақстан халқына қуанышты да бақытты Наурыз тілеймін. АҚШ-та, Қазақстанда және бүкіл әлемде Наурыз бірлік, мейірімділік, жаңару мерекесі бола отырып, адамдарды достыққа біріктіретін мейрам.
Биылғы жылы біз үлкен экономикалық дамуға қол жеткіздік. Сіздің американдық бизнес үшін қолайлы болып табылатын реформалар жүргізіп отырғаныңызға қуаныштымын. Сондай-ақ, біз Ауғанстанға бейбітшілік орнату бағытында жұмыстар атқарудамыз. Мен екі ел арасындағы тығыз ынтымақтастық үшін болашақ мүмкіндіктерді жасауға ниетті екенімді білдіремін. Наурыз құтты болсын!
Ізгі тілекпен, Дональд Трамп, — делінген хабарламада.
