Танымал тележурналист, қоғам белсендiсi Берік Уәли ҚР Инвестициялар және даму министрлігiне жұмысқа келiп жатыр. Берiк Уәли бүгiннен бастап министрдiң кеңесшiсi әрi қоғаммен байланыс бөлiмiнiң меңгерушiсi болып тағайындалды. Бұл туралы ҚР инвестициялар және даму министрі Жеңіс Қасымбек фейсбуктегі жеке парақшасында мәлім етті, деп хабарлайды BNews.kz.
«Қазiргi таңда министрлiкте Ақпараттық қамтамасыз етумен айналысатын арнайы департамент құрылып жатыр. Алдағы уақытта министрлiк осы департамент арқылы қоғаммен байланысты күшейтудi көздеп отыр.
Берiк Уәли журналистика саласында жинаған тәжірибесін соңғы жылдары мемлекеттік қызметте де тиімді ұштастырып келеді. ОҚО әкімі аппараты басшысының орынбасары – баспасөз қызметiнiң басшысы, ОҚО ішкі саясат және дін істері басқармасының басшысы, «Нұр Отан» партиясы Төрағасы Бірінші орынбасарының кеңесшісі қызметтерін абыроймен атқарды. Өз кезегімізде Берік Уәлиді жаңа қызметімен құттықтап, министрліктің жұмысын халыққа жақындатуға бағытталған игі істердің бастамашысы болады деп сенемiз», — деп жазыпты министр өз хабарламасында.
Берік Уәли – Т.Жүргенов атындағы Қазақ мемлекеттік театр және кино институты, Әл-Фараби атындағы Қазақ ұлттық университеті, Қазақ инновациялық гуманитарлық заң университетінің түлегі.
«Дарын» Мемлекеттік жастар сыйлығының лауреаты.
Әр жылдары журналистика саласында, «Таң», «НТК», «31 арна», «Хабар» телеарналарында жұмыс icтедi. Сондай-ақ, «Нұр Отан» партиясы жанындағы жемқорлыққа қарсы медиа орталығының жетекшiсi болды.
2012-2015 жылдары Оңтүстік Қазақстан облысы әкімі аппараты басшысының орынбасары – баспасөз қызметінің басшысы, облыстық ішкі саясат және дін істері басқармасының басшысы қызметтерін атқарды.
Тағайындауға дейін «Нұр Отан» партиясы Төрағасы Бірінші орынбасарының кеңесшісі, «Нұр Медиа» ЖШС Байқаушылар кеңесінің төрағасы болды.
Дереккөз: BNews.kz.
