Тәжікстанның Ходженд қаласында xалықаралық сауда жәрмеңкесі өтіп жатыр

2013 жылдан бастап Тәжікстанның Ходженд қаласында xалықаралық сауда жәрмеңкесі өтіп келеді. Жыл сайын жәрмеңкенің геораграфиясы да кеңеюде. Өйткені, әр жылы бұл маңызды іс-шараға қатысушы мемлекеттердің де саны артып жатыр.

Биыл алтыншы рет өткізіліп отырған xалықаралық сауда жәрмеңкесіне өз өнімдерін алып келген xалықтар арасында Өзбекстан, Қырғызстан елдері көптеп кездеседі. Өйткені, Тәжікстан көршілес қос республикамен экономикалық қарым қатынасын берік орнатқан.

Халықаралық шараға мұнан өзге Ресей, Қазақстан, Белоруссия, Польша және Сербия Республикаларынан, Үндістан, Корея, Қытай, Пәкістан елдерінің кәсіпкерлерінен кәсіпкерлер арнайы келген. Халықаралық жәрмеңкеге өнімдерін ала келген мамандардың мақсаты бір. Тек Республика көлемінде ғана емес, xалықаралық деңгейде жұмыс атқару.

Сондай-ақ, өнімдерін шекара асырып, екі ел арасындағы экономикалық байланысты нығайту. Бұл сауда жәрмеңкесіне қатыссаңыз, тәжік ағайынның отандық өнімдерін көресіз. Ұлтымыз қашан да нанды ардақтаған емес пе?! Ал біз бұл жәрмеңкені ас атасы- нанның да сан түрін кезіктірдік. Мұндағы xалық еңбекқор. Барлығы дерлік көкөніс, жеміс-жидек егеді. Міне, бау-бақшада өсетін барлық жеміс түрін де осындағы сауда жәрмеңкесінен табасыз. Бұл жәрмеңкеге шақырту алған Түркістан облысының делегациясы қатысуда.

Ерекше атап өтсек, мұндағы мамандар арасында өнімдерін Қазақстанға да экспорттайтындары да бар. Өздеріңізге мәлім, Қазақстан мен Тәжікстанның экономикалық байланысы жыл сайын тереңдеуде. Мәселен, 2016 жылы қос ел арасындағы сауда айналымы 192 миллион долларды құраса, 2017 жылдың қорытындысы бойынша 800 млн долларға жетіп, 30 пайызға артты. Және бұл көрсткішті жоғарылату мақсында Қазақстан, Тәжікстан елінің Президенттері арасында біршама келіссөздер де жүруде. 14 маусым күні ҚР Президенті Қасым-Жомарт Тоқаев Тәжікстан Республикасының Президенті Эмомали Рахмонмен кездескен болатын.
«СУГД-2019» VI Халықаралық сауда жәрмеңкесі маусым айының 21-22 күндері өткізіледі.