Қош бол, алтын ұя!

Ордабасы ауданы Шұбарсу елді мекенінің Достық жалпы орта мектебінде соңғы қоңырау соғылды. Түлектер үшін айтулы мерекеге айналған күнде оқушыларды құттықтауға Ордабасы ауданының әкімі Қайрат Жолдыбайұлы арнайы келді. Мектеп қабырғасынан түлеп ұшып жатқан 22 оқушыға алдағы уақытта ақ жол тіледі. Мектеп қабырғасында алған білімдері мен қалыптасқан ұстанымдары оларды жаңа шыңдарға жетелеуіне тілектестігін жеткізді.

Жалпы, Ордабасы ауданында 65 мектепте бүгінде 30 869 оқушы білім алуда. Оларға 3841 мұғалім сабақ беріп, тұлға ретінде қалыптастыруға еңбек етіп келеді. Сол ұзтаздар білім сынға түсер сағатта еңбектерінің ақталып, аудан ішінде жақсы көрсеткіштен көрінуді көздейді. Түлектер де алдағы Ұлттық бірыңғай тестілеуден жоғарғы балл жинауды жоспарлап отыр. Сол арқылы 11 жылдық білімдерінің деңгейін дәлелдемек.
Елбасы Нұрсұлтан Әбішұлы Назарбаев жариялаған «Жастар жылы» қарсаңында мектеппен қоштасқан жастар өз болашақтарын осы Тұңғыш Президенттің қолдаулары арқылы айқындамақ.
Бүгінгі таңда 935 оқушы білім алып жатқан мектеп ғимараты 2018 жылы салынған. Жаңа мектептің алғашқы түлектері артынан ерген жастарға көк туды аманат етіп, ұзтаздарды қадірлеуге шақырды.