Марат Сматов — Қостанай облысы прокурорының бірінші орынбасары болып тағайындалды

2012 жылы ҚР Бас прокурорының бұйрығымен Сматов Марат Ералыұлы  Оңтүстік Қазақстан облысы Еңбекші ауданының прокуроры лауазымына тағайындалған болатын. Осы бес жыл көлемінде прокурор Сматов өзін беделді, білімді басшы ретінде көзге түсе білді. Тұрақты түрде аудан тұрғындарымен кездесу өткізіп, ол жерде көтерілген мәселелерді қолданыстағы заңдарға сәйкес шешіп жүрді. Қызмет барысында оң көрсеткіштерге қол жеткізді. Осындай қызметтің арқасында Сматовты 2017 жылы Оңтүстік Қазақстан облысының жаңа прокуроры жоғарғы лауазымға тағайындауға ұсыныс жасаған. Нәтижесінде, Марат Сматовқа қатысты ұсыныс қолдау тауып, сол жылы Бас Прокуордың бұйрығымен Қазақстан Республикасының «Прокуратура туралы» Заңының 37-бабының 4), 12) тармақшаларына, Қазақстан Республикасының «Құқық қорғау қызметі туралы» Заңының 30-бабының 2-тармағының 1), 2) тармақшаларына сәйкес,  Қостанай облысы прокурорының орынбасары болып тағайындалған еді.

ҚР Бас Прокурорының 2019 жылдың 24 сәуіріндегі №75/6 бұйрығымен Марат Ералыұлы Қостанай облысы прокурорының бірінші орынбасары болып тағайындалды.

Айта кету керек, Марат Сматов «Айғақ» телеарнасымен жоғары деңгейде жұмыс жасап, Заңға сәйкес бірқатар сұхбаттар ұйымдастырылып тұрды. Бұл — телеарна көрермендері тарапынан жоғары бағалуға ие болды.

«Айғақ» телеарнасы Марат Ералыұлы Сматовтың Қостанай облысы прокурорының бірінші орынбасары лауазымына тағайындалуына орай, қызметіне сәттілік, жұмысын абыроймен атқаруды тілейді.