Жастар аллеясында ашылған «Білім алаңы» – рухани ой-сананың нағыз ордасы болмақ. Амфитеатр үлгісінде салынған алаң М.Х.Дулати атындағы Тараз мемлекеттік педагогикалық университетінің алдында орналасқан. Жастар жылында тараздықтарға жасалған тарту — жастардың жасын ортасына айналары сөзсіз.
«Білім алаңының» жалпы аумағы 1000 шаршы метрді құрайды. Онда 600 орындық ашық аспан астындағы амфитеатр орналасуда. Амфитеатр сахна 14 бағанадан тұратын арка негізінде бой көтеруде. Оның ұзындығы – 42 метр, ені – 16 метр. Ал, биіктігі – 12 метр. Бағаналар бағалы тровертин-табиғи тасымен қапталған. Бағана үстіндегі маңдайшаның сыртқы үш жақтауына үш тілде білім туралы қанатты сөздер жазылған. Атап айтар болсақ, латын қарпіндегі қазақ тілінде: « Білім – өмір шырағы», көне түрік тілінде: «Білімсіз күнің жоқ», ағылшынша: «Күш атасы – білімде» деп жазылған.
Мұнда алдағы уақытта әр жылы білім күні салтанат құрады. Жыр оқылады, әдеби әлемдегі Абай мен Жамбыл, Мұқағали, Әуезов, Мүсірепов секілді, тағы басқа ақын жазушылардың оқуларын өткізу өз үрдісін табады. Түрлі интеллектуалды пікір сайыстар өтетін болады.
Осы орайда атап өту керек, аталмыш амфитеатрдың орындықтарымен жоғары қарай көтерілетін баспалдақтарының шеттеріне орналасқан тумбаларға көне шаһарымыздың атын әлемге танытқан айтулы тұлғаларымыз – әл-Таразилардың мүсіндерін қою ойластырылып отыр. Бүгінгі күні тарихшылар арнайы зерттеулер жүргізіп, «әл-Тарази» есімін иеленген 48 тұлға болғанын анықтаған.
Олар:
Әр ғасырда Тараздан шығып, дүниенің төрт бұрышына ғылым іздеп кеткен тұлғалар аз емес. Олар ғылым-білім жолында айтулы жетістіктерге жетіп, Тараздың атын жаһанға танытып, Таразилер әлемдік санаға ықпал етті. Жағрафия, философия, логика, жаратылыстану ғылымдарында із қалдырды. Олар:
1.Абд Әмір Усман ат-Тарази
2.Имам Әбу-л Қасым Махмуд ат-Тарази
3.Әбу-л Футух Абд әл-Уахид ибн Имран ибн Исраил ат-Тарази
4.Шейх Һибатулла ат-Тарази
5.Махмуд ат-Тарази
6.Шейх Ахмет Тарази
7.Мұхаммедхан ат-Тарази
8.Әбу Насыр Мүбашшир ат-Тарази
9.Насрулла ат-Тарази
10.Абдулла Мүбашшир ат-Тарази
Мұхаммед Хайдар Дулати, Махмуд Қашқари, Жүсіп Баласағұни, Қадырғали Жалайыри секілді, тағы да басқа ғұламалар Тараздан шыққан.
Суреттер: «Айғақ-ақпарат», мәліметтер: Жамбыл облысы әкімінің баспасөз қызметі
