Өңірлердің өсуі: Жамбыл облысының әкімі Асқар Мырзахметовтің халық алдындағы есеп беру кездесуі өтіп жатыр

«Баласағұн» концерт залында өтіп жатқан Жамбыл облысының әкімі Асқар Мырзахметовтің халық алдындағы есеп беру кездесуін өңірге қарасты аудан-қала тұрғындары тікелей эфир арқылы да тыңдауға мүмкіндік алды. Тіпті, онлайн режим арқылы көкейдегі сұрағын жолдап, әкімнен тікелей жауабын білмек. 

Жалпы, Жамбыл облысында 377 елдімекен бар. Инфрақұрылым мәселесінде табиғи отын 181 ауылға тартылса, ауыз сумен қамтылған елді-мекендер үлесі 53,3 пайызды құраған.  Бұл — 199 ауылдың азаматтары таза ауыз суын тұтынып отыр деген сөз. Су құбырына қосылмай отырған 149 мың адамның 7 мыңы биыл орталық су құбырына қосылады, 50 мың адам 2019 жылы қосылады.

Су құбыры жоқ 13 елдмекенді сумен қамтуға 4 млрд теңгеден астам қаржы бөлінсе, 29 мың адам таза ауыз судың шапағатын көретін болады.

Бюджет 100 пайызға орындалды.

Облыс орталығын көркейту өз жалғасын табатын болады.

2018 жылы шағын және орта кәсіпкерліктің жұмыс істеп тұрған субъектілерінің саны 63,3 мың бірлікті құрап, 2017 жылмен салыстырғанда 107,8%-ға  артқан.

Онлайн режим

Мемлекет басшысының 2018 жылғы 5 наурыздағы «Бес әлеуметтік бастамасы» атты халыққа үндеуінің төртінші бастамасы  — «Шағын несие беруді көбейту» бойынша «Еңбек» «2017-2021 жылдарға арналған нәтижелі жұмыспен қамтуды және жаппай кәсіпкерлікті дамыту  бағдарламасының» 2-ші бағыты шеңберінде 2018 жылы жаппай кәсіпкерлікті дамытудың — қалаларда және моноқалаларда (Тараз, Жаңатас және Қаратау) шағын несиелендіру және несиені кепілдендіру үшін 1,3 млрд. теңге (оның ішінде шағын несиелендіруге 1 232,8 млн.теңге және несиені кепілдендіруге 88,3 млн.теңге) бөлінді. Бөлінген қаржы аясында 2018 жылы 495,1 млн.теңге 46 жобаға берілсе,
21,4 млн.теңгеге 24 жобаның  несиелері кепілдендірілді  (Тараз қ. – 13,8 млн.теңгеге 21 жоба, Қаратау қ. – 6,4 млн.теңгеге 2 жоба, Жанатас қ. — 1,2 млн. теңгеге 1 жоба).

2018 жылы «Бизнестің жол картасы – 2020» мемлекеттік бағдарламасының «Пайыздық ставкаларды субсидиялау» тетігі бойынша 2,1 млрд. теңгеге 53 жоба, «Банк несиелері бойынша кепілдеме беру» тетігі бойынша 601,5 млн. теңгеге 58 жоба, «Өндірістік (индустриалдық) инфрақұрылымды дамыту» тетігі бойынша 492,4 млн. теңгеге  4 жоба және гранттық қаржыландыру құралы бойынша 20,0 млн. теңгені құрайтын 7 жоба мақұлданып іске асырылуда.

Бағдарламаның төртінші бағытының шеңберінде 2287 кәсіпкерлік субъектілеріне сервистік қолдау көрсетілген.

«Айғақ-ақпарат»