СҚО әкiмi Құмар Ақсақалов жұмыс бабымен Мағжан Жұмабаев ауданында болды. Сапар барысында өңiр басшысы активке ауданның жаңа басшысын таныстырды. Бұл қызметке СҚО ауыл шаруашылығы басқармасын басқарып келген Қайрат Омаров тағайындалды. Жиын барысында аймақ басшысы жаңа аудан әкiмiне нақты тапсырмалар жүктедi, деп хабарлайды Солтүстік Қазақстан облысы әкімінің баспасөз қызметі.
Ауданды соңғы 3 жылда басқарған Асқар Бегманов «Болашақ» бағдарламасы бойынша оқуға аттанбақ.
Жиыннан кейiн облыс әкiмi аудан орталығы Булаевта жақында ашылған дене шынықтыру-сауықтыру кешенiнiң жұмысымен танысып, жас спортшылармен, аудан тұрғындарымен тiлдестi.
