Бұл туралы бүгін Үкімет отырысында Ауыл шаруашылығы министрінің бірінші орынбасары Қайрат Айтуғанов мәлімдеді, деп хабарлайды egemen.kz.
Ағымдағы жылы ауыл шаруашылығы кооперативтерін қолдау мақсатында 52 млрд теңге бөлінді, оның ішінде Ауыл шаруашылығын қаржылай қолдау қоры арқылы – 25 млрд теңге және нәтижелі жұмыспен қамту және кәсіпкерлікті дамыту бағдарламасы негізінде 27 млрд. теңге қарастырылды.
Қ.Айтуғановтың хабарлауынша, 30 мамырдағы жағдай бойынша 286 бірлік тіркелді, соның ішінде сүт дайындау бойынша 102, ет өндіру және дайындау бойынша 181. 20 136 бас ірі қара мал басына арналған отбасылық бордақылау алаңы мен 51 жылыжай құрылды. Ауыл шаруашылығы өнімінің тауарлы өндірісіне 40 мыңнан астам жеке қосалқы және ұсақ фермерлік шаруашылықтар қатыстырылды.
“Жалпы кооперативтерді құру бойынша жақсы динамика байқалуда. Сонымен қатар, тіркелген кооперативтердің кейбірі ұсынылатын талаптарға сәйкес келмейді, ал жеке өңірлер бойынша жалпы жұмысты күшейту қажет. Осындай кооперативтерді талаптарға сәйкес келтіру бойынша шаралар әкімдіктерге жеткізілді және олар бойынша нақты жоспар құрастырылды”, деді Қ.Айтуғанов.
Қайрат Айтуғановтың мәліметінше, бүгінгі таңда көктемгі-дала жұмыстары 85%-ға аяқталған. Көктемнің кеш келуіне қарамастан, жұмыс қарқыны өткен жылғы деңгеймен тең, ал жекелеген өңірлер бойынша 2016 жылғы деңгейден жоғары.
«Нәтижесінде, талап етілетін дәнді-дақылдар ауданы 932 мың гектарға кеңеюде. Соңғы жылдары астық сапасының жыл сайын төмендеуі байқалады. Бірінші, үшінші класқа жататын астық көлемі 2011 жылы – 88%, 2016 жылы 45% құраған, осы ретте 4 және 5 класқа жататын төмен сапалы астық көлемі керісінше 2011 жылғы 10%-дан 2016 жылғы 41%-ға дейін ұлғайған», – деді бірінші вице-министр.
Осыны ескере отыра, министрлік бірқатар шаралар қабылдады.
«Тұқым шаруашылығын субсидиялауға 7,7 млн теңге көзделді, бұл 2016 жылмен салыстырғанда 3,2 есе артық. Осы ретте, әкімдіктер бастапқыда 3,7 млрд теңге бөлген болатын, бұл қажетті қаражаттан 56%-ға аз. Әкімдіктермен жұмыс жүргізу қорытындылары бойынша қосымша 4 млрд теңге бөлінді. Бұл ағымдағы жылы сапалы тұқым себу көлемін 2 есе ұлғайтуға мүмкіндік берді. Инвест-субсидиялау бағдарламасы тұқым шаруашылығын дамыту үшін заманауи тұқым өсіру техникасы енгізілді», – деп атап өтті спикер.
Қайрат Айтуғановтың айтуынша, тауар өндірушілерді сапалы тұқым пайдалануға міндеттейтін заңнамалық норма және осы талаптарды сақтамағаны үшін әкімшілік жауапкершілік енгізу көзделіп отыр.
Бұдан бөлек, тыңайтқыштарды пайдалануға ынталандыру мақсатында бірқатар тәсілдер қабылданды, олар тыңайтқыштарды пайдалану көлемін ұлғайтуға мүмкіндік берді.
«Тыңайтқыштарды субсидиялауға 13 млрд теңге бөлінді, бұл 2016 жылмен салыстырғанда 2 млрд теңгеге артық. Нәтижесінде, тыңайтқыштарды пайдалану күрт артты. 407 мың тоннаға өтінім берілді, бұл 2016 жылмен салыстырғанда 1,5 есе артық. Субсидияланған тыңайтқыш түрлері 2016 жылғы 85-тен 2017 жылғы 161-ге дейін өсті. Бүгінде 200 мың тонна алынды», – деді Қ. Айтуғанов.
Сондай-ақ, бүгінгі күні егіс алқаптарын әртараптандыру жұмысы жүргізіліп жатыр. Ол үшін министрліктер мен әкімдіктер арасында 2021 жылға дейінгі меморандумдарға қол қойылды. Нәтижесінде, талап етілетін дәнді-дақылдар ауданы кеңеюде.
Дереккөз: naryk.kz