«ЖҮРЕК КӨЗІ АШЫЛСА» КІТАБЫНЫҢ ТҰСАУЫ КЕСІЛДІ

Адам жанын дәрімен емдеуді меңгерген маман бүгінде жүрекке жырмен шипа беріп жүр. Шымкентте ақын, жазушы Жаңыл Жұмабекқызының «Жүрек көзі ашылса» атты кітабының тұсаукесері өтті. Мамандығы – фармацевт-провизор. Алайда өмір жолын шығармашылықпен ұштастырған қаламгердің бүгінгі қаруы – дәрі емес, қалам мен өлең. Сөз өнерінде өзіндік қолтаңбасын қалыптастырған ақынның бұл – сегізінші кітабы.

     Жаңыл Жұмабекқызы – шығармашылық жолында өзіндік қолтаңбасы қалыптасқан қаламгер. Оның туындыларында өмірдің мәні, адам болмысы мен рухани құндылықтар кеңінен көрініс табады. Жаңа басылымның атауы айтып тұрғандай оқырманды ойлануға, жүрекке үңілуге, рухани ізденіске жетелейді.

Қаламгердің айтуынша, ақындық жолға 42 жасында аяқ астынан келген. Шабыттан туған өлеңдерін қағазға түсіруден басталған. Сонымен қатар Жаңыл Жұмабекқызының бойында емшілік қасиет те бар. Оның бұл қыры ақынның жырларында да көрініс тапқан. Бұған дәлел – мына бір өлең жолдары.

 Бүгінде Жаңыл Жұмабекқызының қаламынан туған шығармалар оқырманға жол тартып келеді. Оның кезекті кітабының тұсаукесеріне зиялы қауым өкілдері, қаламгерлер мен ақыннның жақындары жиналды.

 Әдеби кеште қаламгердің шығармашылық жолы сөз болып, жаңа жинаққа енген туындылар таныстырылып, «Жүрек көзі ашылса» кітабының тұсауы кесіліді. Өмірінің жартысынан астамын өлең мен кітап жазуға арнаған ақынның әрбір шығармашылық белесінде жанынан табылып, қолдау білдіріп жүрген жандардың бірі – ақын Марғуба Мұхтарқызы. Ол қаламгердің туындылары мен әдебиетке қосып жүрген үлесін атап өтіп, шығармашылығының зор құрметке лайық екенін жеткізді.

 Басқосуда әрі қарай автордың өлеңдері оқылып, шығармалары көпшілікке ұсынылды. Сонымен қатар қатысушылар ақынның шығармашылығына арналған жылы лебіздер білдірді. Жалпы «Жүрек көзі ашылса» кітабы – ақынның жүрек сыры мен өмірлік толғаныстары тоғысқан жаңа туынды. Ендігі мақсат – осы жырларды оқырман жүрегіне жеткізу.