Шаһарда жыл басынан бері 690 жұмыскердің еңбек құқығы қорғалып, 423 жұмыскердің жалақы қарыздары өтелген. Бұл туралы Шымкент қаласы мемлекеттік еңбек инспекциясы басқармасының басшысы брифингте мәлімдеді. Сондай-ақ, баспасөз конференциясында өткен жиында Бауыржан Қалжанов 2024 жылғы бірінші тоқсанда атқарған жұмыстары туралы есеп берді.
Қазақстан Республикасының Еңбек және Әлеуметтік кодекстерінің, сондай-ақ Қызметкер еңбек міндеттерін атқарған кезде жазатайым жағдайлардан оны мiндеттi сақтандыру туралы заңдарының орындалуы барысында басқарманың арыз шағымдарымен жұмыс жасай отырып, есептік кезеңде басқармаға азаматтардың 769 арыз шағымдары келіп түсіп, оның ішінде 656 өтініші қаралған. 194 тексеру жүргізіліп, нәтижесінде 546 құқық бұзушылық анықталған. Бүгінде анықталған бұзушылықтардың 478 жойылып, заңда сәйкестендірілген. Жалпы аталған есептік кезеңде 690 жұмыскердің еңбек құқықтары қорғалған. Ал білім саласы, денсаулықты сақтау, спорт, мәдениет, құрылыс салаларында құқық бұзушылықтар өсіп келеді. Арыз шағымдарды қарау кезінде, аталған құқық бұзушылардың өсуінде 2 себеп бар дейді Бауыржан Қалжанов.
Сондай-ақ, жұмыскер жалақысының уақытылы төленуі және әрбір жұмыскердің конституциялық құқығын ескере отырып, басқарма басшысы жалақы қарыздарының алдын алу мақсатында жұмыс жасап келе жатқанын айтып, 2024 жылы 16 кәсіпорындағы 423 жұмыскердің 100 бен 600 миллион теңге көлемі аралығында жалақы қарыздарын өтелгенін айтты. Сондай-ақ, бүгінгі таңда Шымкент қаласында жалақы қарыздарының жоқ екенін мәлімдеді.
Шымкент қаласы бойынша кәсіпорындар мен мекемелерде тұрақты түрде қауіпсіз еңбек жағдайларын қамтамасыз ету мақсатында мониторинг жұмыстары жүргізілуп отырады. Жүргізілген мониторинг қорытындысы бойынша бүгінгі күнге қаламыздағы 1452 кәсіпорында еңбек қауіпсіздігі бойынша өндірістік кеңестер жұмыс жүргізіп жатқан болса, 2128 жұмыс орындарына зиянды және қауіпті еңбек қауіпсіздігі бойынша аттестациялау жүргізілген.
Брифингте сақтандыру заңнамасы туралы да сөз қозғалды. Кез келген компания өзінің қызметкерлерін жылана бір рет жазатайым оқиғадан алдын ала сақтандырып отыру керек. Ескеретін жайт, бұл жерде мемлекеттік мекемеге міндеттілік жоқ. Өйткені, оларда өзінің ішкі құжаттарымен және заңнамаға сәйкес жауапкершілік жүктелген. Жалпы 7558 компания өзінің қызметкерлерін сақтандыру керек болса, 2022 жылдың нәтижесімен тек қана 28 пайызға жұмыс беруші өзінің қызметкерлерін сақтандырып келген.
Еңбек жағдайдары зиянды жұмыстарда істейтін жұмыскерге төленетін әлеуметтік аударымдарға келсек, 2024 жылы міндетті кәсіптік зейнетақы жарналарының аударатын кәсіпорындар саны 160, еңбек өтілін цифрландыру процесін бастаған кәсіпорындар саны 102 орындалуы 65 пайызға енгізілген. Ағымдағы жылдың соңына дейін, есепке алудың бірыңғай жүйесіне 100% барлық деңгейдегі кәсіпкерлік субъектілер тіркелуі тиіс.
Қауіпсіз еңбек жағдайларын қамтамасыз ету мақсатында Шымкент қаласы кәсіподақтар орталығы аумақтық кәсіподақтар бірлестігі бастамасымен және әлеуметтік әріптестердің қатысуымен қаламыздағы кәсіпорындармен мекемелерде Қауіпсіз еңбек бағдарламасын іске асыруда. Бұл туралы Шымкент қаласы “Кәсіподақтар орталығы” аумақтық кәсіподақтар бірлестігінің төрағасы Бауфржан Алтеев 1 тоқсанда атқарылған жұмыстар мен қауіпсіз еңбек бағдарламасының мақсатына тоқталды.
Айта кетейік, Еңбек жолы конкурсына өтінімдер қабылдау басталды. 1- ші кезең өңірлік 10 тамызға дейін болса, 2- ші кезең республикалық, қазан айында қорытындыланады.
