500 КЕЛУШІГЕ АРНАЛҒАН ЖАҢА ЕМХАНА

Шымкентте медицина саласындағы тағы бір ірі жоба қолға алынды. Shymkent City шағынауданында ауысымына 500 келушіге қызмет көрсететін жаңа емхананың құрылысы басталды. Заманауи медициналық мекеме жылына 30 мыңнан астам тұрғынды қабылдауға қауқарлы.

Жаңа емханада ересектер мен балаларға арналған бөлімшелер, әйелдер консультациясы және отбасылық денсаулық орталығы жұмыс істейді. Мұнда шұғыл қабылдау бөлімі, клиникалық-диагностикалық зертхана және заманауи рентген-диагностика кабинеттері болады. Сонымен қатар компьютерлік және магниттік-резонанстық томография, маммография және эндоскопия қызметтері қарастырылған.

Жаңа медициналық нысан ауысымына 500 келушіге қызмет көрсетіп, 30 мыңнан астам тұрғынды қамтиды. Мұнда 20 орындық күндізгі стационар, амбулаториялық хирургия орталығы және оңалту бөлімі де болады. Балаларға бес жасқа дейінгі патронаждық бақылау ұйымдастырылып, жүкті әйелдер мен босанған аналарға арнайы жағдай жасалады. Бұл тұрғындарға медициналық көмекті тұрғылықты жеріне барынша жақын әрі қолжетімді алуға мүмкіндік береді.

Емхана тұрғындарға қолайлы жағдай ескеріле отырып жобаланған. Нысан аумағында кіреберіс жолдар, автотұрақ, жаяу жүргіншілер жолы және демалыс орындары болады. Ал жаңа құрылыстың капсуласын денсаулық сақтау саласының ардагерлері салды. Алдағы уақытта жаңа емхана 30 мыңнан астам тұрғынға медициналық қызмет көрсетіп, диагностика мен ем алудың заманауи мүмкіндіктерін ұсынады. Нысан тұрғындарға медициналық көмекті қолжетімді әрі сапалы көрсетуге бағытталған. Жобаны іске асыруға 13 млн теңге қаржы бөлінді.