50 ШАҚЫРЫМДЫҚ АЙНАЛМА ЖОЛДЫҢ ҚҰРЫЛЫС БАСТАЛДЫ

Шымкентті айналып өтетін 50 шақырымдық жаңа жолдың құрылысы басталды. Төрт жолақты магистраль транзиттік көліктерді қала орталығына кіргізбей, негізгі бағыттарға тікелей шығаруға мүмкіндік береді. Бұл мегаполистегі көлік кептелісін азайтып, жүк көліктерінің қозғалысын жеңілдетуге бағытталған. Ірі жобаның іргетасын қалау рәсіміне қала әкімі Ғабит Сыздықбеков арнайы қатысты. Жаңа айналма жолдың ұзындығы – 50 шақырым. Төрт жолақты магистраль Алматыдан кіретін жолды Алматы-Термез тасжолы, Солтүстік айналма жол және Ташкент бағытымен байланыстырады. Осылайша халықаралық және республикалық транзиттік көліктер қалаға кірмей, айналма бағытпен өтеді. Бұл негізгі көшелердегі көлік ағынын азайтып, жол қозғалысының қауіпсіздігін арттыруға мүмкіндік береді.Жоба аясында заманауи интеллектуалды көлік жүйелері мен қажетті инженерлік инфрақұрылым қарастырылады. Құрылыс кезінде 500-ден астам адам жұмыспен қамтылмақ. Ал жол пайдалануға берілген соң нысанға қызмет көрсетуге 100-ге жуық маман тартылады. Жаңа бағыттың іске қосылуы Шымкенттің көлік-логистикалық әлеуетін арттыруға мүмкіндік береді.Бұл бағыт арнайы ақылы жол ретінде жұмыс істеп, оның айналасы абаттандырылып, жолаушыларға қажетті жағдай жасалады.

Жаңа айналма жол Шымкенттегі көлік қозғалысын жеңілдетіп, транзиттік ағынды қала сыртынан өткізуге мүмкіндік береді. Сонымен қатар Түркістан облысындағы туристік бағыттарға қатынасты жақсартып, өңіраралық байланысты күшейтеді. Жоба толық іске асқанда, мегаполистің республикалық және халықаралық көлік бағыттарымен байланысы нығая түседі.