Астана. 30 желтоқсан. ҚазТАГ – Экс-министр Қуандық Бишімбаев «Бәйтерек» холдингіндегі қызметіне қатысты туындаған мәселелерге байланысты орнынан босады, деп хабарлады Қазақстан президентінің баспасөз қызметінен.Елбасы Нұрсұлтан Назарбаев еліміздің сыртқы істер министрлігінің басшылық құрамымен кездесу кезінде ұлттық экономика министрлігінде болып жатқан кадрлық ауыс-түйіс жайлы айтты«Министр Қуандық Бишімбаев «Бәйтерек» холдингіндегі қызметіне қатысты туындаған мәселелерге байланысты орнынан босады. Қазіргі сәтте оған қатысты тергеу шаралары жүріп жатыр. Тимур Сүлейменов Қазақстан Республикасының Ұлттық экономика министрі болып тағайындалды. Ол өзіне қойылған міндеттерді абыроймен атқарады деп сенемін», — деп келтірілген Facebook-тегі Ақорда бетінде жарияланған кадрлық мәселелер туралы Н.Назарбаевтың түсініктемесінде.
Мәлімет ҚазТАГ Халықаралық ақпараттық агенттігінен алынды.