ЕКІ ИНДУСТРИЯЛЫҚ АЙМАҚТЫҢ ЖҰМЫСЫ АЯҚТАЛЫП КЕЛЕДІ

Шымкент қаласында «Жұлдыз», «Бозарық» индустриалды аймақты инженерлік инфрақұрылыммен қамтамасыз ету мақсатында құрылыс жұмыстары жүргізілуде.  Құрылыс барысын баяндаған қалалық энергетика және инфрақұрылымды дамыту басқармасы басшысы  БАҚ өкілдерімен кездесіп, жобамен толығырақ таныстырды.  

Қала әкімшілігі ірі инвестициялық жобалары бар және ірі өнеркәсіп ашатын компанияларға оңтайлы жағдай жасауда. Осы  мақсатта Шымкент қаласы энергетика және инфрақұрылымды дамыту басқармасы құрылысы жүріп жатқан Жұлдыз, Бозарық индустриалды аймақтарының бүгінгі жай-күйімен бөлісті. Сөзінше, Қайнар бұлақ тұрғын алабы маңында орналасқан «Бозарық» индустриялық аймағының құрылысы аяқталуға жақын.

Басқарма басшысының айтуынша, «Бозарық» индустриялық аймағындағы кәсіпкерлерге қажетті инфрақұрылымды, яғни ауыз-су, электр және табиғи газ желісінің жұмысын ағымдағы жылдың желтоқсан айына  дейін аяқтау басты мақсат болып отыр. «Бозарық» индустриялық аймақтың жалпы аумағы 132 Га құрайды. Бүгінгі таңда ауыз-су  жұмыстарының 85 пайызы аяқталған. Ал электр желісін жүргізу жұмыстарының 68 пайызын орындалған. Бұл ретте, газ құбырын 10,9 км орнату жоспарланып отыр екен. Автомобиль жолдарын салу  бас мердігер «Отау Строй» ЖШС мекемесіне тиесілі. Жеткізуші 2,0 шақырым жолдың қазіргі таңда 1 шақырым жұмысын аяқтаған. Ал кірме, қоршау, әкімшілік ғимараты бойынша жоба әзірленуде. Үшінші мегополисте құрылысы қызу жүріп жатқан тағы бір нысан — «Жұлдыз» индрустриялық аймағы. Бүгінде аумақтағы 12,5 шақырым ауыз су құбырының 93 пайызы, яғни 11 шақырым құбыр жүргізу жұмыстары аяқталған. Ал электр қуаты желісінің құрылысының 2,5 шақырым жұмыстары мәресіне жетіп, табиғи газ құбырларының 5 шақырымы жүргізілген. «Жұлдыз» индустриалдық аймақта инженерлік инфрақұрылым және  автомобиль жолдарының құрылысы ағымдағы жылдың қыркүйек айында аяқтау жоспарлануда. Жобаға сәйкес,  кірме, қоршау, әкімшілік ғимараты бойынша жұмыстары жүргізілуде. Жалпы, жергілікті кәсіпкер үшін жасалып жатқан индустриалдық аймақтар ағымдағы жылдың желтоқсан айына дейін жасалып бітеді. «Оның игілігін  кәсіпкерлер тиімді пайдаланса еліміздің экономикасының дамуына үлес қосары сөзсіз»-дейді жоба жетекшілері.