Биылғы жылы қаланың қазына қаржысы айтарлықтай артқан дейді Кіріс департаменті. Жиын барысында белгілі болғандай, еліміздегі салық мөлшерінен бөлек, Еуразиялық экономикалық одаққа мүше мемлекеттерден түсер салық мөлшері 107%-ды қамтыған. Жергілікті бюджетті қамтамасыз ететін негізгі кіріс көздеріне әлеуметтік төлем, өндірістік емес төлемдер, шағын және орта бизнеспен мен жалақы қорынан алынатын салық мөлшері жатады екен. Ең көп салық түрлерін ірі бизнес субъектілері қамтамасыз етіп отыр.
2022 жылдың ішінде 1022 тіркелмеген тұрғын үй анықталған. Мұндай заңсыз құрылыс бойынша қала қазынасына түскен қаржы мөлшері 8 миллионнан астам. Сондай-ақ, жеке тұлға көлік, мүлік және жер салығын уақытылы төлемесе, өсім мен сот орындаушыларының да қызмет ақысын төлеуге міндетті. Осылай деген департамент өкілі 41603 жеке тұлғаның мемлекет алдында миллиардтан аса қарызы бар екенін айтты.
