Жыл басында Қазақстан Республикасы Президенті Қасым-Жомарт Тоқаев «Өсімдіктер әлемі туралы» Қазақстан Республикасының заңына қол қойған болатын. Аталған заң 7 наурыз күні күшіне енді.
Осыған орай бүгін Шымкент қаласы әкімдігінде «Өсімдіктер дүниесі туралы» және оған ілеспе заңдар аясында бекітілген жаңа нормаларды түсіндіруге арналған кеңес өтті.
Орман шаруашылығы қызметкерлерінің жалақысы өседі. Табиғатты дала өртінен қорғауда еңбегін адал атқаратын азаматтар үшін қолға алынған заң жобасы ағымдағы жылдың екінші жарты жылдығынан бастап күшіне енбек. Бір ескеретін жағдай 100% үстем ақы төлеу қағидасы мемлекеттік орман шаруашылығындағы барлық сала қызметкерлеріне қатысты емес.
Еліміз бойынша Орман шаруашылығы мен табиғатты қорғау мекемелерінде 17 мыңнан астам азамат жұмыс жасайды. Бұл статистикалық мәліметті Орман шаруашылығын дамыту басқармасының басшысы Нұрпейісов Мәди табиғи аумақтардағы мәселелер бойынша жаңадан қабылданған заң жобаларын түсіндіру кезінде атап көрсетті. Жаңадан қолға алынған заң жобасында қарапайым қызметкерлердің жалақысын көтеру тақырыбы қолға алынған. Бірақ бұл ақпарат орман шаруашылығын қорғау саласындағы барлық лауазымдағы тұлғаларға қатысты емес. Кездесу барысында Мәди Науанұлы кімдердің жалақысына 100% пайыз үстемақы қосылатынын атап өтті.
–Бұл заң елімізде өсетін өсімдік бірлестіктерін қорғау және пайдалану саласындағы қатынастарды реттейді. Ол Қазақстан Республикасы Президентінің Жарлығымен бекітілген Қазақстанның «Жасыл экономикаға» көшу тұжырымдамасына сәйкес әзірленген. Өйткені, өсімдіктер – барлық дерлік экожүйелердің негізі, соның арқасында бұл экожүйелер өздерінің өміршеңдігін сақтайды және адамдардың өмір сүру жағдайларын қамтамасыз етеді. Мемлекеттік орман шаруашылығы мекемелеріндегі, мемлекеттік орман күзет қызметкерлеріне қатысты, яғни орман күзетті инспектор, шебер, орманшы көмекшісі, барлық санаттағы инженерлер, директордың орынбасары, директорлар кіреді. Бұл жерге көмекші қызметкерлер бугалтер, заңгер кірмейді– деді ҚР ЭГТРМ Орман шаруашылығы және жануарлар дүниесі комитетінің басқарма басшысы М.Нұрпейісов.
Министрлік өкілінің айтуынша, бұл заңның ережелері бүкіл республика бойынша өсімдік ресурстарының есебін жүргізуге, олардың сандық және сапалық сипаттамаларының өзгерістерін талдауға, сондай-ақ, өсімдіктер дүниесі объектілерін экономикалық бағалауға мүмкіндік береді. Оған қоса жаңа заңға сәйкес мемлекеттік органдар мен қоғамдық ұйымдар жүзеге асыратын мемлекеттік және қоғамдық бақылау институттары енгізіледі.
–Заңнаманың басты жаңалығы – өсімдіктер дүниесінің жекелеген түрлерінің айналысы саласында хабарлау тәртібін белгілеу. Бұл отандық кәсіпкерлердің фармацевтикалық, азық-түлік және техникалық өнімдерді өндіру үшін өсімдік ресурстарын заңды түрде ұтымды пайдалануына жол ашады.
Нәтижесінде шағын және орта бизнесті дамытуға, осы салаға инвестиция тартуға, сондай-ақ, өсімдік әлемін арнайы пайдаланғаны үшін кәсіпкерлік субъектілеріне алым төлеу арқылы мемлекеттік бюджеттің кірісін арттыруға мүмкіндік береді, – деді М.Нұрпейісов.
Бүгінде Орман шаруашылығында қызмет ететіндердің басым көпшілігі бір кездері ішкі істер саласында лауазымды қызмет еткен азаматтар. Зейнетақымен қоса жалақыны да алатын солар. Кездесу барысында Зейнетке шықаннсоң жайлы ортаға келіп басшы болғандарға үстем ақы беру ақылға қонбайтындығы туралы айтылды.
Негізі жұмысқа қабылдау барысында клавикациялық талаптар қаралу керек, ол нақты белгіленген. Басшы қызметтіне тағайындалушының 5 жылдық тәжерибесі болуы міндетті. Орман шаруашылығы немесе аңшылық шаруашылығы бойынша тиісті білімі болуы керек. Қазіргі таңда біздің комитет төрағасынның да басты бағыты осы- дейді кездесу барысында басқарма басшысы.
Айта кетейік, Қазақстанда жоғары тамырлы өсімдіктердің 6 мыңға жуық түрі, саңырауқұлақтардың 4 850 түрі, балдырлардың 2 000 түрі, мүк пен қынаның 1 мың түрі кездеседі. Осы өсімдіктердің 387 түрі «сирек кездесетін немесе жойылып кету қаупі төніп тұрған түр» ретінде Қазақстан Республикасының Қызыл кітабына енгізілген.
