Мемлекет басшысы өз Жолдауында ұлт саулығын сақтауда ерекше көңіл бөліп келеді. Тәуелсіздік жылдары бұл бағытта қыруар жұмыстар атқарылды. Яғни, осыдан отыз жыл бұрынғы кезеңмен салыстырғанда бүгінде ел медицинасы жоғары сатыға көтеріліп келеді. Медицинаның сапасы артып, дәрігерлер біліктілігін арттырып, қажетті және заман талабына сай құралдармен жабдықталуда. Бұл әрине, өз кезегінде халыққа көрсетілетін көмекті арттырып қана қоймай, бүгінгі күнге дейін алыс және жақын шетелдерде көрсетілетін көмекті өз мемлекетімізде көрсетіп, тұрғындарға жайлы ортаны қалыптастыруда. Сондай-ақ, ұлты саулығын сақтауда «Дені сау ұлт» Ұлттық жобасы жүзеге асуда. Төрт маңызды бағытты қамтитын жоба бүгінде үшінші мегаполисте қарқынды түрде жүзеге асуда.
Сондай игі жұмыстардың бірі Шымкент қалалық онкологиялық орталыққа ПЭТ/КТ аппараты орнатылды. Ашылу салтанатына шаһар басшысы Мұрат Әйтенов арнайы қатысып, құрылғының жұмысымен танысты. Орта Азияда теңдесі жоқ құрылғы онкологиялық аурулародың ерте және дәл анықтауға тигізер пайдасы зор.
Ядролық медицина орталығында жоғары технологиялық медицина қызметін көрсететін аппараттар орнатылған.
“ Varian Halcyon” -қондырғысы арқылы науқастарға сәулелік терапия емі жүргізіледі. Мұндай құрылғы Өзбекстан, Тәжікстан, Қырғыстан сынды елдерде жоқтың қасы. Орта Азияда теңдесі жоқ құрылғы Қазақстанда алғаш рет Шымкент қаласындағы онкологиялық орталыққа орнатылды.
Айта кетейік, ПЭТ/КТ — бұл компьютерлік томографиямен біріктірілген позитронды-эмиссиялық томография. Басқаша айтқанда, глюкоза негізінде радиофармпрепараттардың көмегімен онкологиялық аурулар мен бас миының ауруларына дәл диагностика жасауға мүмкіндік беретін аппарат.
Қатерлі ісіктің бастапқы пайда болу сатысын анықтауға және патологиялық процессті басқа әдістерге қарағанда ертерек білуге септігін тигізетін соны жабдық. Дәрігерлер заманауи құрылғының көмегімен обыр ауруларының ошағын дәл тауып, пациенттердің емдік шараларын дер кезінде бастауға мүмкіндігіміз көбеймек деп қуанды.
Ал қала басшысы ядролық медициналық кластер үшінші мегаполистің медициналық туризмін жетілдіретін бірден-бір тетік екенін айтып өтті.
— Өйткені біз Шымкент қаласына ғана емес, Түркістан, Жамбыл, Қызылорда облыстарының халықтарына қызмет көрсете аламыз… Ата заңымыздың басты құндылығы халқымыздың денсаулығы екенін ескерсек, атқарып жатқан іс шаралар өмірдің талабы. Қымбат тұратын медициналық қызметтің бұл түрі енді жергілікті халыққа қолжетімді болады”,-деді М.Әйтенов.
Көптеген адамдар үшін денсаулық қалыпты жағдай, біз оны әдетте байқамаймыз немесе оған мән бермейміз, сол сияқты біз тыныс алуымыз, жүрегіміздің қалай соғатыны туралы ойланбаймыз. «Денсаулық сезімі аурудан кейін ғана пайда болады» деп дана бабамыз айтқан. «Денсаулықтың қадірін ауырғанда білерсің» деп те ата-бабаларымыз дөп басып айтқан. Баға жетпес байлығымызға ойланбай қараудың себебінен сан қағып қалмайық ағайын! Денсаулықты сақтау және нығайту керек. Менің ойымша, болашақта медицинаның басты мәселесі дертті емдеу емес, оның алдын алу болса, дәрігер «ауру тарихын» емес, «денсаулық тарихын» жүргізеді деп ойлаймын.
