Шымкентте түрлі этнос өкілдері арасында «Ұлт үні» атты байқау өтті. Оған 80-жуық үміткер қатысып, төрт бағыт бойынша бағын сынады. Ауқымды шара қалалық ішкі саясат және жастар істері жөніндегі басқарманың бастамасымен, «Қазақстан халқы Ассамблеясының қолдауымен жүзеге асты. Жеңімпаздар қалалық «Достық үйінде» өнер көрсетіп, марапатталды. ИНДИРА
КСМ: «Ұлт үні» байқауы қазақ халқының тілін, мәдениетін, өнерін, салт-дәстүрін, тарихы мен әдебиетін насихаттауға бағытталған шара. Мемлекеттік тілді құрметтеп, өз ана тіліндей сүйетін өзге ұлт өкілдерінің жастары бүгінде әлем мойындаған ұлылардың шығармаларын шеберлікпен орындап, көрермен қошеметіне бөленді.
Қазақтың ұлттық аспабын жанына серік еткен- Омаровтар әулеті «Ұлт Үні» байқауында топ жарды. Әкелі балалы күйшілер көпшіліктің ықыласына бөленіп,жеңіс тұғырынан көрінді. Олар былтыр да дәл осы байқауда бақ сынаған.Дегенмен жүлделі бірінші орынға ие болу 2021 жылдың еншісіне бұйырмапты. Алайда «Шешінген судан тайынбас» демекші, қос азамат биыл бар күшін салып, тер төккен.
Байқауда төрелік еткен қазылар алқасының да құрамы осал емес. Ережеге сәйкес мәдениет, өнер, филолог, педагог сынды өз саласының жілігін жағып, майын ішкен мамандар жеңімпаздарды анықтауда, сүбелі үлесін қоса білді. Олар қатысушылар арасынан тоғыз азаматты іріктеп, жеңіске лайық деп тапты.
