Үшінші мегаполиске Қазақстан мұсылмандары діни басқармасының төрағасы, Бас мүфти Наурызбай қажы Тағанұлы арнайы жұмыс сапарымен келіп, келелі жиындар өткізді. Соның бірі Қаратау дәстүрлі өнер мектебі орталығында ұйымдастырылды. “Дін мен дәстүр сабақтастығы — ұлт ұстыны” тақырыбы аясында бас мүфти, түрлі саладағы озық ойлы жастармен кездесті. Бас мүфти ең алдымен жастардың дінге деген дұрыс пікірін қалыптастыру мәселесіне тоқталды. Қазіргі таңда еліміздегі кейбір жас буын өкілдерінің, теріс діни ағымға еріп, саналарының көз алдымызда улануы, ойландыратын мәселе болып отыр.Елімізде жат ағым өкілдеріне қарсы қарқынды жұмыстар жүргізілуде. Бұл жұмыстың уақыт өте келе нәтижесін көріп келеміз дейді бас мүфти. Қазақ даласына ислам келгелі ата-бабамыз дін мен дәстүрді қатар ұстанды. Пайғамбардың сара жолынан таймас үшін 4 мәсхабтың бірі ханафилікті өздерінің өмір дағдыларына сай келетіндіктен, ешбір дау-дамайсыз қабылдай қойды. Алайда дінге деген көзқарастың бұрмаланып жатқаны секілді, дәстүрдің де дәріптеліп жатқаны шамалы болып отыр. Біздің қазіргі қоғамда дін де дәстүр де, халық тарапынан дұрыс көзқарасты қажет етіп отыр. Оны қалыптастыратын әрине Қазақстандық қоғам. Шара соңында жағдайы төмен отбасыларға “Ел үлесі пәтерге” атауымен нөмірі 537-612 ші баспана кілті табысталып, күй шертіліп, дәстүрді дәріптеп тұсау кесер рәсімі де өтті. Әлемге исламды қалай көрсететін болсақ жер ғаламшарының елдері ,солай қабылдайтын болады. Олай болса мінсіз дінге кір жағудан аулақ болған әсте дұрыс.
