ҒЫЛЫМИ-ТАНЫМДЫҚ КОНФЕРЕНЦИЯ ӨТТІ

Шымкентте Бас мүфти Наурызбай қажы Тағанұлының қатысуымен халықаралық ғылыми-танымдық конференция өтті.  Шара барысында, онлайн режимде көршілес мемлекеттердің діни басқармасы өкілдері мен өзге аймақтық дін қызметкерлері қосылып «Ихсан ілімі» жайлы баяндама оқыды.

 Қазақстан мұсылмандары діни басқармасының ұйытқы болуымен өткен «Қожа Ахмет Яссауи һәм ихсан ілімі» атты басқосуда Шымкент қаласы әкімінің бірінші орынбасары Шыңғыс Мұқан,сондай-ақ, онлайн режимде  Өзбекстан мұсылмандары діни басқармасының төраға орынбасары, наиб мүфти Ибраһим Иномов  мен Қырғызстан мұсылмандары діни басқармасы төрағасының орынбасары, наиб мүфти Абибилла ажы Қыдырбердиев, белгілі ғалым, профессор Досай Кенжетай және де филология ғылымдарының докторы, профессор Шәмшедин Керім, PhD доктор Мұхан Исахан сынды ғалымдар мен имамдар, өзге аймақтардағы дін қызметкерлері қатысты. Жиында сөз алған Бас мүфти Наурызбай қажы Тағанұлы Ихсан ілімі жайлы баяндама оқып, рухани кемелдену мәніне тоқталды.

Баршаға мәлім, Қазақстан мұсылмандары діни басқармасы бірнеше жылдан бері еліміздегі мұсылман жамағатына ихсан ілімін дәріптеп келеді. Осы бастама аясында «Ихсан – рухани тәрбие негізі» кітабы шыққан болатын. Сайып келгенде, мұндағы мақсат – дәстүрімізбен біте қайнасқан дінімізді, әдет-ғұрпымызды дәріптеп, жастарды бабалар салған сара жолмен жүруге үндеу екені белгілі.  Айта кетейік, жалпы ғылыми-танымдық конференция өткізудегі мақсат —  жастар арасындағы рухни тәрбиені нығайтып,ғүлама ғалымдар еңбектерін насихаттау болып отыр. Бұл ретте келелі кездесудің мәні орасан зор екені айқын.