«Халық үніне құлақ асатын мемлекет» тұжырымдамасы аясында Шымкентте «Заң керуені» акиясы бастау алды. Ауқымды шара ҚР Бас прокурорының бастамасымен еліміздің әр қиырында өткізілуде. Тұрғындарға құқықтық көмек көрсетіп,заңдарды түсіндіруді мақсат еткен шара қаламыздың Еңбекші ауданында да өз жалғасын тапты.
«Заң керуені» акциясы аясында прократура, полиция, қылмыстық атқару жүйесі, экономикалық тергеу жүйесі, сыбайлас жемқорлыққа қарсы іс қимыл және т.б құзырлы орган қызметкерлерінен құрылған мобильді топ жұмысы қарқынды жүруде. Таңғы сағат тоғыздан басталған шараға Базарқақпа елді мекенінің өзінен 50-ден астам азамат қатысып, көкейтесі сауалын жаудырып, тиісті жауабын алған.
Аталмыш акцияның алғашқы жиыны Базарқақпа елді мекенінде өтсе, одан кейін Тоғыста, содан соң маңызды шара Қаратөбе елді мекенінде жалғасады. Игі шараға қала тұрғыны Шахалил Шамадиев қатысып өзі тұратын аумақтағы жарық мәселесін көтерді. Осыған дейін көңілі күпті болған азамат, келелелі кездесуден соң толыққанды ақпарат алып, құзырлы орган өкілдеріне алғысын жаудырды.
Қарашаның бірінші жұлдызынан бастау алған акция осы айдың 14-не дейін жалғаспақ. Көшпелі қабылдау арқылы өзіңізді мазалаған мәселеге қатысты кәнгі мамандардан заң аясында кеңес алуыңызға болады.
