ОҚУ-ЖАТТЫҒУ ЖИЫНЫ ӨТТІ

Шымкенттегі «Акбар»  базарында өрт шықты. Қызыл жалын көлемі 70м2 құрады.  Оған 9 негізгі және 3 арнайы өрт сөндіру техникасы жұмылдырылды. Алайда бұл жәй ғана оқу-жаттығу жиынының сценариі болатын. Мақсат оқыс оқиға орын алған жағдайда, алдын алу шараларын пысықтау болып табылдады.

Құтқарушылар кез-келген жағдайға сақадай сай болуы тиіс. Ал дер кезінде жүйелі атқарылған жұмыс материалдық шығынды азайтуға сеп болмақ. Ең бастысы адам өмірін құтқарып, аман алып қалуға мүмкіндік береді. Осы мақсатта қалалық төтенше жағдалар департаментінің өрт сөндіру және авариялық-құтқару қызметі мамандары өрт тактикалық жаттығуын өткізді. Онда әр бөлімшенің жауынгерлік дайындығы пысықталды. Жаттығудың тактикалық тұрғысына сәйкес, Акбар базары аумағындағы тұрмыстық тауарлар сататын сауда орталығынан, электр сымдарының тұйықталуынан өрт шықты. Мекеме қызметкерлері жедел «101» қызметіне хабарлайды. Аталмыш оқу-жаттығу орнына кестеге сәйкес күштер мен құралдар жөнелділді. Сауда орнына өрт сөндіру жұмыстары жүргізіліп, қызыл жалының одан әрі таралуына жол берілмеді.

Айта кетейік оқу-жаттығуға  офицерлік және жеке құрам, Шымкент қаласы ТЖД-ның, жедел-құтқару жасағының, апаттар медицинасы орталығының және «102» қызметінің мамандарымен қатар жедел-жәрдем медициналық көмек бригадасы жұмылдырылды.