БАЙҚАУ ЖЕҢІМПАЗДАРЫ МАРАПАТТАЛДЫ

 Рәмізге құрмет – елді,жерді сүюге деген құрмет. Республика  күні қарсаңында ұйымдастырылған патриоттық форум шемкенттіктердің белсенділігін айқындап берді. Ауқымды шара қалалық ішікі саясат басқармасының қолдауымен, «Серпіліс» қоғамдық қорының ұйытқы болуымен жүзеге асты.

Мемлекеттік рәміздер — ел дамуының ажырамас бөлігі. Сондықтан қазақстандықтардың  рәмізге деген құрметі, оларды бойтұмардай қастерлеуі ерекше сезіліп тұруы тиіс. Осы орайда 25 қазан — Республика күніне орай Фейзбук әлеуметтік челендж бастау алған болатын. Байқау үздік пост, іс-шара, бейнеролик номинациялары бойынша өтті. Оған қаламыздың белсенді азаматтары қатысып, жүлделі орындардан көрінді. Соның бірі — Самат Мырзаәлиев. Ол аталмыш додаға қос перзентімен бірге бақ сынап, «Үздік бейнеролик» номинациясының бас жүлдесін иемденді.

Бұл байқау төртінші жыл қатарынан ұйымдастырылып отыр. Аталмыш шараның бастамашысы Бейсенкүл Нарымбетованың айтуынша әрбір азаматтың бойында отанға деген сүйіспеншіліктің болуы азаматтық парыз  -дейді. Бір ай бойы өтікзілген шара  республиканың өзге аймақтарынан да қатысқан азаматтар болған.  Бұл бастама жобаның кең қанат жаюына серпіліс әкелген.

Медицина ғылымдарының докторы һәм  ардагері Иманәлі Байдәулетов республика күніне арналған салтанатты шара төрінен табылды. Ел тәуелсіздігінің алғашқы жылдарындағы  тарихи оқиғаларға тоқталып, тәуелсіз еліміз жайындағы  ой орамын ортаға салды. Сондай-ақ алдағы келе жатқан меркемен барша қала тұрғындарын құттықтады.

Сондай-ақ байқауға «жігерлі жан», «патриот отбасы», «парасатты әже», «өнегелі әке» сынды номинациялар демушілер есебінен  қосылған. Атлмыш жобаға қоғамдық ұйымдар ерекше ат салысты.