ҚОРҒАСЫН ЗАУЫТЫ МҰРАЖАЙҒА АЙНАЛАДЫ

 Қаламыздың тарихынан ойып тұрып орын алған қорғасын зауытының тарихы тым тереңде. Дегенмен қаңқасы қалған индустриалды аймақтың аумағы  қоқысқа айналғалы қашан? Көненің көзі, асылдың сынығына баланатын өндіріс орнына бүгінде абаттандыру жұмыстары қарқынды жүргізілуде. Бұл жайында Абай ауданының әкімі Бұхарбай Парманов баспасөз брифингінде  мәлімдеді. Оның айтуынша аталмыш кәсіпорын келешекте мұражайға  айналуы бек мүмкін. Қазіргі таңда осы мәселе бойынша ұсыныстар дайындалуда.

Абай ауданының әкімі Бұхарбай Парманов 9 айда атқарылған жұмыстар барысын баяндады. Биылғы бюджет көлемі барлық сала бойынша 110.8 млрд теңгені құрап отыр. Бұл көрсеткіш 2017 жылмен салыстырғанда 24 есеге артқан. Аталмыш қаржы ауыз су, электр, табиғи газ, кәріз жүйесі, абаттандыру, жол, жарықтандыру, санитарлық тазалық және әлеуметтік салаға жұмсалған.

Бүгінде аудан аумағындағы ірі және орта кәсіпорындар саны 33 ке жеткен. Алдағы уақытта тағы бір индустриалды аймақ бой көтереді. Құны 30 млрд теңгені қрайтын өндіріс орны аяқталған соң 3 мың адамға тұрақты жаңа жұмыспен қамтылады.

Тұрғындармен кездесу және де атқарылған жұмыстар бойынша есеп беру өз тиімілігін көрсетуде. Оның айғағы аудан әкімінің 2022 жылдың 9 айында 68 рет тұрғын алаптар мен шағын алаптарды аралауының арқасында 97 мәселе өз шешімін тапқан. Оның 86-сы жыл соңына дейін орындалады деп күтілуде. Қалған 36 сы 2023-2025 жылдардың жоспарына енгізілмек.