ШЫҒАРМАШЫЛЫҚ ҮЙІРМЕЛЕРДІҢ ЖҰМЫСЫ ҚАЛАЙ ЖҮРГІЗІЛУДЕ?

 Шымкентте талапқа сай келмейтін балаларды шығармашылық дамыту үйірмелері жұмыс істеуде. Жертөледен ашылған орталықтарда қажетті құрал жабдық түгілі, табиғи жарық пен таза ауаны табу мүмкін емес. Дегенмен талапқа сай,өз жұмысын мінсіз атқарып жатқан үйірмелер де жетерлік.Бүгінде қала аумағында мемлекеттік қолдау аясында 159 мекеме жұмыс істеуде. Олардың жұмысымен қаламыздың қоғамдық кеңесімен құрылған комиссия мүшелері танысып қайтқан болатын.

Бүгінде мегаполисімізде АРТ СПОРТ мәдени саласы бойынша мемлекеттен тапсырыс алып, жұмыс істеп жатқан кәсіпкерлердің қатары артқан. Олар 56-дан астам үйірмелер ашып, жас өрендерді қабылдауда. Дегенмен салынған қаржы қаншалықты дұрыс игерілуде, балалардың қажетті құралдары жеткілікті ме? Тазалық жайы қалай? — сынды сан сұрақ ата-ананы да, жауапты сала өкілдерін де мазалайды. Осыған орай қаламыздың қоғамдық кеңесімен құрылған арнайы комиссия  мүшелері Қаратау ауданы аумағында орналасқан 16 мекеменің жұмысымен танысты.

Мәдениет басқармасы басшылығының ұсынысымен қаламыздың қоғамдық кеңесімен құрылған арнайы топ өкілдері, тапсырыс берушілердің атқарып жатқан жұмыстарымен танысып, жағдайларын көзбен көрді. Комиссия төрағасы Алмасбек Мамытбековтың айтуынша тапсырыс берушілер биылғы жылға қосымша қаржат сұраған. Алайда қаржыны алып өз жұмысын тыңғылықты атқармай жатқан мекемелерде жетерлік.

25 мыңнан астам бала қазіргі таңда аталған шығармашылық орталықтарға барып, білім алуда. Дегенмен тәртіп болмаған жерде, талаптың да орындалу неғайбыл. Осылай деген комиссия жұмысы мұнымен тоқтап қалмақ емес. Олар ертеңнен бастап қайта іске кіріспек. Олар 143 мекеменің жұмысымен танысады.