АҚПАРАТ САЛАСЫНЫҢ ӨКІЛДЕРІ БАС ҚОСТЫ

Шымкентте Қазақстан халқы ассамблеясы журналистер клубының көшпелі отырысы өтті. Аталмыш алқалы жиынды ҚР Ақпарат және қоғамдық даму министірлігінің «Қоғамдық келісім» республикалық мемлекеттік мекемесінің ұйытқы болуымен жүзеге асты.Оған еліміздің түкпір-түскпірінен бұқаралық ақпарат саласында еңбек етіп жүрген азаматтар қатысты.

Қазақстан тұрақтылығы үшін қызмет етіп отырған мекеменің бірі — Қазақстан халқы Ассамблеясы. 1995 жылы құрылған аталмыш ұйым бүгінгі күнге дейін еліміздің саясатымен бірге шыңдалып, экономикасымен бірге жетіліп келеді. Осыған дейін көшпелі жиын шілде айында Солтүстік өңірде өткізілді. Кезекті рет түндігін түрген семинар шырайлы Шымқалада жалғасын тапты.
Ауқымы шараның мақсаты Қазақстан халқы Ассамблеясының тиімді қызметін қамтамасыз ету үшін ақпараттық жұмысты ұйымдастырудың дағдылары мен құралдарына үйрету, баспасөз қызметі қызметкерлерінің біліктілігін арттыру болып табылады. Өткізіліп жатқанына екінші күнде 4 спикер өз тақырыптары бойынша ақпарат беріп,қатысушыларға жаңа тәсілдерді презентация түрінде көрсетті.Соның ішінде әдістемелік қамтамасыз ету және ақпараттық түсіндіру жұмысы басқармасының басшысы — Айзада Мукужанова этносаралық қатынас саясатының ақпараттық сүймелдеу саласындағы өзекті мәселерін ортаға салып, қазақ тілін дамыту, тілге деген қызығушылықты ояту, этносаралық қатынас саясаты саласының перспективасын нығайту жайында әдіс-тәсілдерін ортаға салды.

Алматы қаласынан келген Юлдаш Молтов республикамыздың тұрғындары үшін ассамблеяның маңызы айырықша екеніне тоқталып, екі күнге жалғасқан семинардың ақпарат саласы өкілдеріне пайдасы орасан екенін тілге тиек етті. Оның айтуынша бүгінде оқырман қауым үшін ұзақ мәтінді оқу жалықтырып жіберетінін құбылысқа айналып бара жатқанын алға тартып, семнар арқылы жаңа тәсілдерді игергенін жеткізді.

Қазақстан республикасы көпұлтты мемлекет. Татулық пен бірлікті сақтап,дұрыс ақпара тарату төртінші билік өкілдерінің құзыретіне кіреді. ҚХА-сы журналистер клубы мемлекеттік ұлттық саясатты жетілдіру, ұлтаралық келісім мен қоғамдағы тұрақтылықты нығайту бойынша ұсыныстар дайындайды. Олар ұлтаралық тақырыптарды дұрыс жеткізу бойынша БАҚ-на ұсыныстар әзірлейді.