ҚЫЗДАРМЕН ПСИХОЛОГИЯЛЫҚ КЕЗДЕСУ ӨТТІ

Бүгінде ерте жүктілік қоғамда жиі кездесетін жайт. Жастықпен от басып, өмірін тәуекелге тіккен бұрымдылар психологиялық күйзеліске ұшырайтыны да ақиқат. Дегенмен дерт дендемей жатып, оны ауыздықтау қоғамның негізгі міндеті. Осындай ауқымды мәселені арқау еткен шара түндігін түрді.
Күні кеше мегаполисімізде «Қыздар кеңесі» мектебінің жобасы аясында «Ел сұлуы-қыз бала» атты психологиялық кездесу өтті. Мақсат жастар мен жасөспірімдер арасында белең алыпжатқан ерте жүктіліктің алдын алу болып табылады. Игі шараға қаламыз бойынша тәжірибиелі психолог, психотерапевт, гинеколог,арт-терапевтер келіп, өз ақыл-кеңестерімен бөлісті.

Аталмыш семинар-трейнингте бұдан бөлек өзіне қол жұмсау аутодеструктивті мінез-құлыққа бейім жастардың психологиялық сауатын арттыруға арналды.Өмірлік қиын жағдайға түскен жасөспірімді қоғам ортасына тартып, әлеуметке бейімделуі үшін ұстаздар қауымының да үлесі айырықша.

Ауқымды шараға қаламыздың арнаулы жоғарғы оқу орындары мен колледждерінен 3000-ға жуық жастар қатысты. Алдағы уақытта мұндай жиындар жалпы орта білім беретін мекемелерде де жүзеге асырылмақ.