АТҚАРЫЛҒАН ЖҰМЫСТАР САРАЛАНДЫ

Шымкент қаласы толықтай жылыту маусымына 30 қыркүйекте дайын болады. Бұл жайында қалалық энергетика және инфрақұрылымды дамыту басқармасының басшысы Боранбай Болатбеков мәлімдеді. Бұдан өзге баспасөз өкілдерімен өткен брифингте табиғи газ, ауыз су, электр қуаты және кәріз жүйелерінің көрсеткіштеріне тоқталды.

Бүгінде қалалық энергетика және инфрақұрылымды дамыту басқарамасының атқарып жатқан жұмыстары орасан. Олай деуімізге себеп күні кеше ғана қаламыздан қашық жатқан шағын аудандар мен тұрғын алаптарға көгілдір отын мен электр қуатының берілуі. Мұнымен аталмыш басқарманың істеп жатқан жұмыстары тоқтап қалмақ емес. Осылай деген басқарма басшысы Боранбай Болатбеков жарты жылдықты қорытындылады. Оның айтуынша Шымкент қаласы бойынша табиғи газбен қамтылу 93 -дан 94,7 -ға жеткен. Ал электр қуатына келсек 81 елді мекеннің 73-і сапалы электрмен қамтылған.

Қала тұрғындарының сапалы ауыз сумен қамтылу көрсеткіш 98 -дан 99 — ға өседі. Бұған дейін қаламыздағы 81 елді мекеннің 78-і ауыз сумен қамтамасыз етілген. Бүгінде шаһарымыздың кәріз жүйесімен қамтылуы бар болғаны 54 — ды құрап отыр.Дегенмен сала мамандарының айтуынша бұл көрсеткішті жыл соңына дейін 60-ға арттыру жоспарланған.