Тәушен Әбуова. Айтыстың ақберені. Отырардың тумасы. Соңында талай туындысы алған талант. Тума талант өз дәуірінде талайды қазақтың қара домбырасымен иілдіріп, ұлтымыздың ұлттық өнерін насихаттаған. Үшінші мегаполисте дәл осы өмірден өткен ақынды еске алып, ұрпақтарымен кездесті.
Тәушен Әбуова 1932 жылы Отырар ауданы Балтакөл ауылында дүниеге келген. Айтыскер, ақын. Аудандық мәдениет бөлімінінде автоклуб меңгерушісі болып қызмет атқарды. Айтыс өнеріне кештеу араласса да, халық арасында осы өнерді дамытуға сүбелі үлес қосты.
Қазақтың қара өлеңімен құлақ құрышын қандырған, тауып айтып, жырымен елін сүйсінткен Тәушен ақынды халқы сағынады, әлі де іздейді.
Осының бір дәлелі- Шымкенттің төрінде өтіп отырған анамызға арналған еске алу кеші. Бүгінгі жиында Ырысболат Әбуов анасының жастайынан ақындыққа жақын болғанын тілге тиек етті.
Отырардың от ауызды, орақ тілді суырып салма ақыны, барша қазақ қадір тұтқан ана Тәушен Әбуова тірі болса биыл 90 жасқа толар еді. Талай республикалық сайыстарда топ жарып, талай адуынды ақындарды шаң қаптырған. Айта кетейік ,ақын жайлы екі деректі фильм, екі кітап жарық көрген.