АЙТЫСТА ОТЫРАРДЫҢ ТУМАСЫ ОЗДЫ

    Төлебидегі Алатаудың баурайында республикалық «Күміс Домбыра» ақындар айтысы өтті. Жыр додасында іріктеуден өткен 16 ақын бақ сынасып, өнер сүйер қауымды ыстық ықыласына  бөледі. Байқауда айтыс өнерінің саңлақтары төрелік етіп, жеңімпазға күміс домбыраны табыс етті. Қазақтың ұлттық өнері болып табылатын, суырып салма ақындардың айтысы  өз көрерменін жоғалтқан емес. Бүгінде Республика бойынша аламан додаға қатысуға өтініш білдірген ақындардың қарасыда көп болыпты.Ой ұшқырлықтарының арқасында іріктеуден өткен 16 жас ақын, Күміс домбыра байқауында бақ сынасты. Еліміздің әр облысынан келген талантты жастардың додасына қазылық ететін Бекарыс Шойбеков бастаған төрешілер, айтыскерлердің сөз саптаулары мен терең ойлы жырларына аса мән бермек. Халықтың куә болуымен өтетін аламанда бұрмалаушылыққа жол берілмейді — осылай деген әділқазылар алқасының мүшесі «Алтын домбыра» байқауының үш дүркін жеңімпазы Мұхтар Ниязов айтыскерлерге ел болып қолдау білдіру қажетін алға тартты. Алатаудың суығы қатал болсада, айтысқа беріліп, тер шығарған жас талант иелері сөз шеберліктерін ортаға салуды тоқтатар емес. Әділ қазылар алқасының да айтысқа көңілдері толып, өз бағаларын беруде. Финал аяқталып жеңімпаздарда белгілі болды. Сонымен, бүгінгі аламанның бас жүлдесі Түркістан облысы Отырар ауданының тумасы Даниял Болысбекке бұйырды. Ұшқырлықпен сөз тауып, домбыраны тартқан жеңімпаз Күміс Домбыраның иегері атанды. 1-орын Алматылық ару Айым Асылбекқызына бұйырса, 2-орын Сыр елінің ақыны Нұрахмет Мансұровқа берілді, Ал үшінші орынды үшінші мегаполис айтыскерлері Нұрғали Әнапия мен Жандос Мырзабеков иеленді.