ИНДУСТРИАЛДЫ АЙМАҚ — ОТАНДЫҚ ӨНДІРІСТІҢ ТІРЕГІ

Индустраилды-инновациялық даму бағдарламасының аясында елімізде құрылған индустриалды аймақтар өндірісті өркендетуге айрықша серпін беруде. Осы орайда үшінші мегаполисте өнеркәсіп саласын дамыту мен әртараптандыру бағытында жүзеге асырылып жатқан мемлекеттік шаралармен танысу үшін арнайы баспасөз туры ұйымдастырылды. Шара барысында БАҚ өкілдері экономиканың өсуіне үлес қосып жүрген кәсіпорындармен танысты.

Шаһарымызда өнеркәсіп және құрылыс министрлігі өнеркәсіп саласын дамыту мен әртараптандыру бағытында жүзеге асырылып жатқан мемлекеттік шараларды түсіндіру үшін арнайы баспасөз туры ұйымдастырылды. Мақсаты – арнайы экономикалық аймақтардың тиімділігін көрсету, жүзеге асырылып жатқан инвестициялық жобалармен таныстыру және өңірлердегі өнеркәсіптің даму мүмкіндіктері туралы ақпарат беру. Іс-шара барысында бірқатар кәсіпорындардың жұмысы таныстырылды. Алғашқы «Dapter Line» жауапкершілігі шектеулі серіктестігі.  Бұл дәптер өндіретін жаңа өндірістік кәсіпорын. Жобаның жалпы құны 340 миллион теңгені құрайды. Өндіріс қуаты жылына 70 миллион даптер өнімін шығаратын мүмкіндікке ие. Кәсіпорын 30 адамды тұрақты жұмыс орнымен қамтамасыз етеді. Үшінші мегаполисте еліміздің экологиялық өнеркәсіп саласын дамыту бағытында «EKOHIM» Тоқ шығарушы дизелді Генератор өндіретін өндірістік жобасы іске қосылған. Жобаның жалпы құны – 440 миллион теңгені құрайды. Кәсіпорын жылына 350 дана өнім өндіреді екен. Өндіріс 4 гектар аумақта орналасқан.

Сонымен қатар, еліміздегі жеңіл өнеркәсіп саласындағы ірі жобалардың бірі – «SAGITEX GROUP»  іске қосылды. Жобаның жалпы құны 337 миллион теңгені құрайды. Өндірістің жылдық қуаттылығы – 5 миллион дана өнім, бұл отандық нарықтағы сұранысты қанағаттандыруға және экспорт әлеуетін арттыруға мүмкіндік береді. Кәсіпорын 1 гектар жерді қамтиды және 11 жаңа жұмыс орнын ашуға мүмкіндік береді. Бұл жобалар еліміздің өнеркәсібін дамытуға, жаңа жұмыс орындарын ашуға және аймақтық экономиканы нығайтуға айтарлықтай үлес қосады. Министрлік мұндай бастамаларды қолдап, олардың жүзеге асырылуын бақылауды жалғастырады.