Шымкентте мемлекет және қоғам қайраткері Амангелді Төлеевтің 80 жылдығына орай арнайы дөңгелек үстел өтті. Іс-шарада «Губернатор Аман Төлеев», «Жизнь замечательных людей» атты кітаптар мен «Алдаспан ғұмыр» журналының тұсаукесер рәсімі өтті. Жиынға зиялы қауым өкілдері, елге белгілі ақын жазушылар, сондай-ақ Ресей елінен арнайы қонақтар келіп қатысты.
Ресейдің ірі аймақтарының бірі – көмірлі Кемерово облысының тізгінін жиырма жылдан астам уақыт ұстаған губернатор, белгілі мемлекет және қоғам қайраткері Амангелді Төлеев 13 мамырда 80 жасқа толар еді. Бірақ «Жазмыштан озмыш жоқ» деген емес пе, ол бұл күнге жете алмады, 80-ге қараған шағында өмірден озды. Солай екен деп, Қазақ елі, оның ішінде шымкенттіктер, асыл азаматты ұмытқан жоқ. осы айтулы күннің қарсаңында белгілі ғалымдар мен елімізге танымал зиялы қауым өкілдерінің, Амангелді Молдағазыұлымен қызмет еткен Кемерово облысының зиялы азаматтары мен көзін көрген замандастарының, туған-туыстарының, шәкірттерінің қатысуымен ауқымды іс-шара өтті. Есіл ердің есімін ел есінде қалдыру үшін заңдылыққа сай жұртшылық тарапынан Астана, Алматы, Шымкент қалаларында көшелерге есімін беру, Қазығұрттағы «Мәңгілік ел» саябағына зәулім ескерткішін тұрғызу ұсынылды. Мұны лайықты іске асыру жауапты азаматтардың парызы деп білеміз — дейді, «Жеті жарғы және Қожаберген жырау» халықаралық қоғамдық қайырымдылық қорының төрағасы Бекет Тұрғараев
Амангелді Төлеев Ресейдің Президент сайлауына үш рет түскен. 20 жылдан астам уақыт Ресейдің күрделі өңірі Кузбассты басқарған. Ресейдің үш Президенті тағайындаған, халық үш рет сайлап, «халық губернаторы» атанған саяси феномен А.Төлеев 2023 жылы қарашада дүниеден озды.
Айта кетейік, дөңгелек үстел ғылыми конференцияға ұласты.Конференцияға ғалымдар, ақын жазушылар, ұлт зиялылары қатысып ой бөлісті.
МЕМЛЕКЕТ БАСШЫСЫ XI «АЙБЫН» ХАЛЫҚАРАЛЫҚ ӘСКЕРИ-ПАТРИОТТЫҚ ЖАСТАР ЖИЫНЫНА ҚАТЫСТЫ
Президент – Қазақстан Қарулы Күштерінің Жоғарғы Бас қолбасшысы Қасым-Жомарт Тоқаев XI халықаралық «Айбын» әскери-патриоттық жастар жиынының ашылу рәсіміне қатысты....
