ЖҰМЫСШЫ МАМАНДЫҚТАРҒА ГРАНТ САНЫ АРТАДЫ

Алдағы оқу жылында Шымкенттегі колледждерге 6 мың грант бөлінбек. Сонымен қатар, жоғары оқу орындарының студенттеріне әкімдіктің қолдауымен 1 млрд теңгеге грант қарастырылады. Дәстүрлі сипат алған бұл бастама қанша талапкерді қамтиды? Жалпы, мегаполистегі білім беру ұйымдарының сапасы қандай деңгейде?

  Шымкентте 1481 білім беру ұйымы бар. Ал, мектепте 279 мыңнан аса оқушы білім алуда. Қуаныш Ғалымжанұлы 2025-2026 оқу жылындағы білім сапасын таразылап, жалпы өсім 6% құрағанын айтты. Басқарма басшысы білім сапасының көтерілуінде “Сапалы білім” кешенді жобасының мүмкіндігі мол дейді. Жоба мұғалімдердің кәсіби құзыреттілігін дамыту және оқу үдерісін цифрландыруды қамтиды. Бұл бағыттағы байқауға 13.350 педагог қатысқан. Шымкенттің білім сапасын арттыруда оқушылардың жетістіктері де маңызды рөл атқарады. Өткен жылмен салыстырғанда көш бастаған түлектердің саны едәуір артқан.

Шымкент қаласында 2026–2027 жаңа оқу жылына арналған техникалық және кәсіптік, орта білімнен кейінгі мамандар даярлау бойынша мемлекеттік білім беру тапсырысы бекітілді. Өткен жылы колледждерге 8 мың грант бөлінсе, бұл оқу жылында 2 мыңға қысқарған.

Мамандар бұл шешім білікті кадрларға деген сұранысты қамтамасыз етуге және жастар үшін тегін білім алу мүмкіндіктерін кеңейтуге бағытталған дейді. Сондай-ақ, негізгі басымдық жұмысшы мамандықтарға берілетінін айтты. Шымкент әкімдігінің ЖОО-ның студенттерін қолдау шарасы биыл да жалғасын табады. Шымкентте білім беру саласын дамытуға бағытталған жұмыстар жүйелі түрде жалғасып келеді. Колледждер мен жоғары оқу орындарына бөлінетін гранттар, педагогтердің біліктілігін арттыруға арналған жобалар және оқушылардың жетістіктері – осы бағыттағы негізгі көрсеткіштердің бірі. Мамандардың айтуынша, қолға алынған бастамалар білім сапасын арттыруға және еңбек нарығына қажетті кадрлар даярлауға ықпал етпек.