«Адалдық Алаңы» жобалық кеңсесінің басшысы Ералы Жумаханбетовпен кездесті

2021 жылдың 23 қаңтарында Шымкент қаласына жұмыс сапарымен келген Қазақстанның цифрлық даму, инновациялар және аэроғарыш өнеркәсібі министрлігінің «Адалдық алаңы» жобалық кеңсесінің жетекшісі Рафаэль Гасанов кезекті рет Полиция департаментінің бастығы полиция генерал-майоры Ералы Жумаханбетовпен кездесті.

Бұл жолы Полиция департаментінің бастығы Ералы Жумаханбетов Рафаэль Гасановқа Жедел басқару орталығының жұмысымен таныстырды. Күніне тұрғындардың 1000-нан астам қоңырауларына жауап беру және қала аумағында орнатылған бейнебақылау камераларымен анықталған құқық бұзушылықтарға ден қою мақсатында кешенді күштердің үйлесімділігін және өзара әрекеттесуін көрсетті. Аталған орталықтың жұмысын жетілдіру мақсатында жаңа технологияларды енгізу бойынша екі тараптан бірқатар ұсыныстар айтылды.«Адалдық Алаңы» жобалық кеңсесінін басшысы Рафаэль Гасанов Полиция департаментінің ұжымымен кездесіп, заңнамаға енгізілген жаңашылдықтар мен республикалық арнайы мониторинг топтың жұмысын таныстырды. «Департаменттің және Әл-Фараби ауданы Полиция басқармасының жұмысын жоғары бағалады. Әлеуметтік желіде тұрғындармен кері байланыс жоғары деңгейде орнатып, адамдардың мұң-мұқтажына назар аударып, шешім жедел және кәсіби қабылданып жатқанын» — Р.Гасанов атап кетті.

Қазақстан Республикасы Ішкі істер министрі полиция генерал-лейтенанты Ерлан Тұрғымбаевтың тапсырмасы бойынша Полиция департаментінің бастығы Ералы Жумаханбетов жеке құрамның қатарын тексеріп, сыбайлас жемқорлық қылмысына жол бермеу мақсатында тиісті шаралар жүргізуде. Нәтижесінде сыбайлас жемқорлық қылмысын жасаған 22 қызметкердің 80% Шымкент қаласы Полиция департаменті Өзіндік қауіпсіздік басқармасының қызметкерлері анықтап, ұстаған. Сондай-ақ, полиция қызметкерлеріне пара ұсынған 9 жайты анықталып, азаматтық тұлғалар ұсталған. «Тұрғындармен кері байланыс орнату мақсатында апта сайын жеке қабылдау, әлеуметтік желісінде менің, орынбасарларымның және департаменттің ресми парақшалары жұмыс істеп тұр. Сонымен қатар, 2019 жылдан бастап «Whatsapp» желісінде құрылған «жедел әрекет ету тобы» чаты нәтижесін көрсетіп жатыр. 2020 жылда тұрғындардан 2000-ға жуық хабарламалар келіп, тиісті шешімі қабылданған» — деді Е.Жумаханбетов.

Кездесу соңында Рафаэль Гасанов алдағы уақытта жиі кездесіп, пікір алмасып тұратынын жеткізді.

Шымкент қаласы Полиция департаментінің Баспасөз қызметі