22 маусым күні алтыншы шақырылған Шымкент қаласы мәслихатының кезектен тыс алпыс жетінші сессиясы онлайн режимінде өтті. Депутат Сұлтанова Төреайым Жолдыбайқызы төрағалық еткен мәжілісте сессия күн тәртібіндегі бес мәселе қаралды, — деп хабарлайды shymkent-maslihat.kz.
Сессия күн тәртібіндегі мәселелер алдымен бірлескен тұрақты комиссияларының отырысында және «Nur Otan» партиясы фракциясының онлайн режимдегі отырысында егжей-тегжейлі талқыланып, депутаттар бірауыздан шешім қабылдады.
Күн тәртібіндегі бірінші мәселе бойынша кадрларлық өзгерістерге байланысты Шымкент қаласы мәслихатының 2019 жылғы «Шымкент қаласы әкімдігінің жанында жеке кәсіпкерлік мәселелері жөніндегісараптамалық кеңесінің дербес құрамын бекіту туралы» және 2018 жылғы «Шымкент қаласы әкімдігінің жанында инвесторлар кеңесінің дербес құрамын бекіту туралы», «Бизнес Шымкент» өңірлік үйлестіру кеңесінің дербес құрамын бекіту туралы» шешімдеріне өзгерістер енгізілді.
Сондай-ақ,сессия отырысында Шымкент қаласы мәслихатының 2019 жылғы Шымкент қаласы әкімдігінің жанында «Шымкент қаласы Экспорт жөніндегі өңірлік кеңесінің дербес құрамын бекіту туралы» шешіміне өзгерістер енгізілді.
Шымкент қаласында бейбітжиналыстарды ұйымдастыру және өткізу үшін арнайы орындарды, бейбітжиналыстарды ұйымдастыру және өткізу үшін арнайы орындарды пайдалану тәртібін және пикеттеуді өткізуге тыйым салынған іргелес аумақтардың шекараларын айқындалды.
«Жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы және «Жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы» Шымкент қаласы мәслихатының 2019 жылғы шешiмінің күші жойылды.
Шымкент қаласында бейбіт жиналыстарды ұйымдастыру және өткізу үшін арнайы орындар:
1) «Наурыз» алаңы – Әл-Фараби ауданы, Бәйдібек би даңғылы, сыйымдылығы: 500-600 адам;
2) «Даңқ» мемориалының алды – Абай ауданы, Қ.Рысқұлбеков көшесі, 3 «Г», сыйымдылығы: 200-250 адам;
3) Асар шағын ауданындағы орталық алаң – Қаратау ауданы, №2 және №6 көшелерінің қиылысы, сыйымдылығы: 200-300 адам;
4) Шымкент қаласында шерулер мен демонстрациялар өткізу маршруты болып МәделіҚожа көшесі (А.Байтұрсынов көшесі мен Қ.Қазиев көшелерінің аралығы) белгіленіп, Шымкент қаласы Әділет департаментіне тіркеуге жіберілді.
