Арыс қаласында орын алған төтенше оқиғадан кейін қала қаңырап бос тұр. 7600 тұрғын үйдің әйнектері сынған, 80 пайыз үйлердің шатырына зақым келген.
Арыс қаласының аумағында түні бойы Ұлттық ұланның 580 жауынгері мен 345 полиция қызметкерлері күзетте тұрыпты.
Ел басына күн туып жатқан осындай сәтте ұрыларда өз ойын жүзеге асыруға кіріскен дейді.
Мәселен, құқық қорғау саласының қызметкерлері қарақшылық фактімен үш тұрғынды ұстапты.
Иә, «біреуге мал қайғы, біреуге жан қайғы» деген мақал осындайда айтылған екен ғой. 448 59 әскери бөліміндегі өрт салдарынан атылған оқ-дәрілер біраз жерді шарпығанын көріп шықтық.
Тұрғындар баспана, көлік, жиған-терген дүниелерін тастап бас сауғалап кеткен. Жарылыстың ұшқындары мейрамxана, кафе, дүкендердің әйнек, есіктерін опырған.
Ішіндегі дүниелер айра-жайра қалған. «Иесіз қалған жер жетім» деген міне осы.
