Жаңалықтар. 16 қараша, 2018 жыл

— Қазақстан мен Өзбекстан өңіраралық ынтымастығы бірінші форумының алғашқы  пленарлық отырысы болып өтті.  ҚР премьер –министрінің бірінші орынбасары Асқар Мамин  төрағалық еткен алқалы жиынға, Өзбекстан Респуликасы премьер –министрінің бірінші орынбасары Ачилбай Раматов бастаған мәртебелі меймандар   қатысты.  Айтылған мәcеле, екі ел  арасындағы тауар айналымын  арттыру, Қазақстан мен Өзбекстанның  инвестициялық байланысын көтеру.

— Рухани астанадағы Қожа Ахмет Ясауи атындағы халықаралық қазақ-түрік университетінде ұлт қайраткері Нұртас Оңдасынов жайлы түсірілген «Биліктен биік тұлға» атты деректі фильмнің тұсаукесері болып өтті. Аталмыш фильмнің мақсаты — халқы үшін қалтықсыз еңбек еткен ердің атын ұмытпай, өнегелі істерін өскелең ұрпаққа дәріптеп үлгі ету. Айта кетейік, деректі фильм Дүниежүзі қазақтары қауымдастығы төрағасының бірінші орынбасары Зауытбек Тұрысбековтың идеясымен түсірілген.

— Күні кеше Түркістан Облыстық клиникалық ауруханасында Түркістан облыстық денсаулық сақтау басқармасының басшысы Мұхан Егізбаевтың ұйымдастыруымен практикалық теориялық  сабақ өтті. Өңір аралық  жиынның негізгі мақсаты инсульт алған ауыр науқастарға көрсетілетін алғашқы көмектермен, олардың аяғынан нық тұруына жасалатын емдік шаралардың барысымен танысу. Статистикалық мәліметке сүйенсек 55 жастан жоғары адамдар арасында әр бесінші әйел және әр алтыншы ер адам инсулт ауруына шалдығады екен. Тірі қалған поценттердің көбі өз ерікімен қызмет жасаудан қалады. Ал олардың алдын алу үшін өткен практикалық сабақтың берері мол.

— Шымкент қаласындағы ҚИПХДУ-дың филиалы келер жылы Өзбекстан Республикасында ашылмақ. Бұл туралы көршілес елден келген делагациямен аталмыш білім ордасында өткен  басқосуда университет басшылығы мәлімдеді. Мақсат — екі ел арасындағы ынтымақтастықты нығайтып, білім мен  ғылым саласын дамыту болып отыр.

— 26 жасында миллионер атанған Қайрат Сапарбаевтың музыкалық туындылары жарық көрді. Бүгінде 53 жасты еңсерген белгілі кәсіпкер  шығармашығылыққа да бір табан жақын. Ақындық қасиетті бойына дарытқан, әрі жазушылықты жанына серік еткен азамат  бүгінге дейін 20 музыкалық әуенінің 10-ына бейнебаян да түсіріп үлгерген.

— Елдің ертеңгі іргесі берік болуы үшін бүгінгі жастар сапалы білім алып, білікті мамандар қатарын толықтыруы қажет. Тап осы білікті маман дайындайтын жоғары оқу орындарының қатары көп бүгінде. Сол заманауи жоғары оқу ордаларының бірі де бірегейі – Медицина мамандарын даярлайтын Оңтүстік Қазақстан Медициналық академиясы.

— Ұлттық валютамыз теңгеге – 25жыл!. Бұл төл теңгенің тарихы үшін айтарлықтай уақыт.  1993 жылдың 15-ші қараша күні ұлттық валюта қаржы нарығында айналымға енді. Сол жылдары Бәйдібек ауданының  бюджет көлемі 6 млн. 198 мың теңгені құраған. Қазіргі таңда бұл көрсеткіш 13 млрд. 360 млн тенгеден асып отыр.  Яғни 25 жыл ішінде ауданның бюджеті  көлемі 2000 есеге артқан. Салмағы мен бағамы бар  төл теңгенің  тарихында  Бәйдібек ауданының әлеуеті қалай артты?