Жаңалықтар. 12 қараша, 2018 жыл

Рухани астана – Түркістан қаласы болашақта нағыз туристік аймаққа айналмақ.  Қожа Ахмет Яссауи кесенесінің айналасы жұрт танымастай өзгеріп, тарихи ғимараттар қайтадан жаңартылмақ. Шаһардың бас жоспары бойынша даму екі кезеңде жүргізіледі. Бұл туралы бүгін Түркістан облысының әкімі Жансейіт Түймебаев ҚР сәулетшілер Одағының вице-президенті Бақытжан Әшірбаевпен кездесіп, даму туралы жоспарды талқылады. Қасиетті қала Түркістан туралы жоспарлар, мақсаттар мен міндеттер айтылған кездесуге «Айғақ» арнасы арнайы қатысты. Эксклюзивті интервьюде бірқатар мәселелер кеңінен айтылды.

«Мәдениет диалогы» . Ресей федерациясының Санкт- Петербруг қаласында    4-ші  билік өкілдерінің басын қосқан,  13-ші халықаралық жас журлистер медиа  форумы болып өтті.  Оған, Еуразия кеңістігіндегі көптеген елден келген журналистер қатыстып, өзара тәжірбие алмасты. 13 жылдан бері тұрақты түрде ұйымдастырылып келе жатқан бұл форум журналистика және ақпараттық медиа кеңістігіндегі жастар үшін, нағыз біліктілік  арттыру алаңына айналып отыр. Айта өтейік, форумда  Түркістан облысынан арнайы шақыртылған  «Айғақ» телеарнасының өкілдері де бар.

«Жыр жазуға бір қазақтай хақым бар». Аталған тақырып аясында Төлеби ауданына қарасты Майбұлақ елдімекенінің тумасы, қоғам қайраткері ҚР парламент сенатының депутаты болған, меценат  Қуаныш Төлеметовты еске алуға арналған әдеби кеш өтті. Салтанатты шараның негізгі мақсаты ел ағасының өнегелі өмір жолын бүгінгі жас ұрпаққа насихаттау.

Соңғы жылдары Бәйдібек ауданы  бойынша бірқатар аудандық маңызы бар және  ішкі орам көшелері күрделі  және орташа жөндеуден өтуде. Әсіресе ауданға қарасты  бірнеше елді мекендерде топырақ жолмен және  шағал таспен тұрған  көшелер асфальтталып пайдалануға берілуде. Айталық Ақбастау – Тұрақты – Қаратас бағытындағы аудандық маңызы бар жолдың 11 шақырымын  күрделі жөндеуден өткізіп жол жиектеріне аяқжолдар мен арық салу жұмыстары өткен жылы басталған болатын. Бәйдібек аудандық тұрғын үй коммуналдық шаруашылығы  және автомобиль жолдары бөлімінің  тапсырысы негізіндегі жол құрылысын  «СК Инжиниринг Технолоджи» мердігер компаниясы атқару үстінде.

12 қараша – Халықаралық пневмониямен күрес күні. Осы күнге орай «Әлеуметтік медициналық сақтандыру қоры» Шымкент қаласы және Түркістан облысы бойынша филиалы мен Шымкент қалалық денсаулық сақтау басқармасы «Пневмониядан сақтанайық!» атты  ашық есік күнін өткізді. Оның негізгі мақсаты — медицина мекемелерінде профилактикалық шаралар ұйымдастырып, медициналық тексеріс өткізу.  Осыған байланысты №8 Шымкент қалалық емханасында 2 айлық нәрестеден 18 жасқа дейінгі жасөспірімдер ем алуда.

Латын әліпбиіне қалай көшеміз? Қазақ тілі әліпбиін кириллицадан латын графикасына көшу 2025 жылға дейін кезең-кезеңімен жүзеге асатын болады. Алғашқы кезеңі насихаттау мен тіл емлесінің ережелерін түсіндіру мақсатында арнайы құрылған топ Қазақстанның барлық облыстарына түсіндірме жұмыстарын жүргізуде.