Бейсенбі күні Ордабасы ауданында өңір басшысы Бейбіт Атамқұловтың жетекшілігімен «Орман және жануарлар әлемін қорғау бойынша Бадам орман шаруашылығы» мемлекеттік мекемесінің аумағында «Созылмалы орман және дала өрттерін сөндіру» тақырыбы бойынша өрт-тактикалық оқу-жаттығу шарасы өтті. Оқу-жаттығу жұмыфстарына ОҚО ТЖ Департаментінің 20 арнайы техникасы мен жеке құрамның 125 қызметкері қатысты. Сондай-ақ, шараға жергілікті полиция қызметкерлері мен жедел медициналық жәрдем мамандары тартылды. Бірлесе атқарылған жұмыстардың нәтижесінде ОҚО аумағында болуы мүмкін дала- орман өрттерін сөндіру әдістері мен дағдылары пысықталды. Аймақ басшысы оқу-жаттығу шарасына қатысқан арнайы қызметтердің деңгейін жоғары бағалап, апаттардың алдын алу бойынша жұмыстарды одан әрі жалғастыруды тапсырды.
ОҚО әкімінің баспасөз қызметі