Облыс әкімі Бейбіт Атамқұлов шетелдік тәжірибені Оңтүстік өңірінің даму жоспарына ендіруді қолға алып отыр. Бұл батыл бастамалар Елбасының дамудың даңғыл жолындағы негізгі қадамдарын айқындап берген жұмыстармен үйлесім табады. Өткен жылы еңсерілген елеулі істер назардан тыс қалдырылмады әрине. Аймақ басшысының халық алдындағы есеп беру жиынының негізі — даму тұжырымдамаларын жүзеге асырылатындығымен ерекшеленді. Осы арқылы облысты 8 бағыт бойынша өркендетуді міндеттемек.
Таңертеңнен Түркістан сарайына жиылған жұрт облыс басшысының жұмыс жоспарларынан әлі де бейхабар еді. Халық қалаулылары, ел ағалары, аудан-қаладан келген зиялы қауым өкілдері көптен көріспеген көз таныстар арқа-жарқаласып амандығын сұрасып жатты. Мұндай басқосулар кей кейде – бірімен пікір алмасып, жөн сұрасу үшін қажет-ақ. Өйткені, қазыналы қарттарымыз бен білікті мамандардың тоғысатын бірден бірден орын осындай кездесу жиындар. Иә, осылайша, сағат 11-ге жоспарланған бағдарлама дәл уақтысында жалғасты. Жыл басталғалы аудан-қала әкімдері жергілікті ауыл әкімдіктерінде халық алдында есеп беріп, көп мәліметті түгендеп алғаны белгілі. Сондықтан да, көпке созылмаған арнайы бейнеролик 10 минут көлемінде өткен жылға сараптама жасап, атқарылған жұмыстардан хабардар етті. Сонымен, 2015 жылы өнеркәсіп саласында 668,5 млрд теңгенің өнімі өндіріліп, республикада біздің облыс 5 орынды иеленіпті. Ал, өнеркәсіпте жаңа технологияларды ендіру 18 пайызға артып отыр. Инвестиция көлемі де 143 млрд-ты құрап, 58 жаңа жоба іске асырыла бастаған. Ал, биылдың өзінде құны 145 млрд-теңгені құрайтын 142 жоба мақұлданған. Ауылшаруашылығы саласында жалпы өнім көлемі 344,6 млрд. теңгенің көлемінде. Кәсіпкерлікті қолдау бойынша әкімшілік барьерлерді азайтуға барынша күш салынып жатқан көрінеді. Осы ретте, өңірдің алдағы даму жоспарын айқындаған облыс әкімі Бейбіт Бәкірұлы алдағы бесжылдықта ауылшаруашылығы саласын реформалаудың бес бағыты жүзеге асыралытындығын атап өтті.
Бұл концепцияларға сәйкес, әр ауданның басым бағыттары айқындалып, сол белдеуге сай шаруашылықтар қолға алынады. Мәселен, таулы аудандарда бау-бақша өндірісі жолға қойылса, өзен жағалауларына суармалы егістік жолға қойылады. «Ақылды аймақ» кластері. Яғни, қоғамның әр саласына ІТ технологияны көптеп енгізу жоспарланып отыр. Оңтүстіктің өзіндік брендін дамыту арқылы отандық өнімнің өрісін кеңейтуге болады. Ол, кәмідгі ағылшыын тіліндегі on жазуы. Ашық деген мағынаны білдіретін бұл сөз Оңтүстік өңірінің болашағын көрсетіп қана қоймай, брендтік тауарлардың негізі болмақ. Сондықтан да Welcome to Ontustik.
Білім спорт, мәдениет, энергетика, табиғи газ саласының әрбірі де назардан тыс қалаған жоқ. Әсіресе, туристік жобалар өңір әлеуетінің негізін көрсетпек. Облыс танымалдылығын арттыру үшін «Жаңа брендинг» саясаты жүзеге асырылғалы жатыр. Бұл бастамалардың барлығы сайып келгенде жұмыссыздық деңгейінің азайып, әлеуметтік мәселелердің шешілуіне сеп болады.
Бұл күні облыс басшысына жолданған сауалдардың қарқыны жоғары. Маңызды мәселенің жауабын естігісі келген жұрт алдын ала хат арқылы көңілдегі керуенін жолдап та қойған. Енді бірі зал ішіне қойылған микрофондар арқылы сауалдарына жауап ала алды. Өз орнына бағыт алған әкімнің тіпті, уақыттың тығыздығына қарамастан шымкент қаласының тұрғынының мына бір уәжіне құлақ асып, зал ортасында жауап беруге тырысты. Мәселенің мән жайын қарап, арнайы мамандардың жауабы қажет екендігін де ескерген облыс басшысы алдағы уақытта нақты шешім қабылдайтындығын жеткізді. Бұл білікті басшының іскерлігін көрсеткендей. Ал, тыңдарман қауымның жаңа бастамаларға деген ықыласы ерекше.
Салтанат ТОЙБОЛОВА
