Бұл туралы ОҚО Аймақтық коммуникациялар қызметінде өткен брифингте облыс әкімінің орынбасары Сапарбек Тұяқбаев мәлім етті. Мемлекет басшысының Бес институционалдық реформасын жүзеге асыру жөніндегі «100 нақты қадамындағы» міндеттердің орындалуын баяндаған өңір басшысының орынбасары индустрияландыру картасы аясында жалпы құны 869 млрд.тг. құрайтын 115 жоба жүзеге асырылып, оның инвестиция көлемі 44,6 млрд.тг. құрайтын 27 жобасы 2015 жылы іске қосылғанын хабарлады. Аталған жобалар толығымен жүзеге асырылғанда 19,9 мың жұмыс орны құрылатын болады. «2015 жылдың 11 айында 593 млрд. теңгенің өнеркәсіп өнімі өндіріліп, 2014 жылдың осы кезеңімен салыстырғанда 52 млрд. теңгеге артқан. Бұл көрсеткіш бойынша біздің өңір республикада 5 — орынға ие. Ал өңдеу өнеркәсібінде 373,2 млрд. теңгенің өнімі өндіріліп, негізгі капиталға бағытталған инвестициялар көлемі 353,7 млрд.теңгені құраған»,- деді С.Тұяқбаев. Баспасөз мәслихатында ауыл шаруашылығы саласына тоқталған облыс әкімінің орынбасары 2015 жылы «Агробизнес – 2020», «Нұрлы жол» бағдарламалары шеңберінде облыстық және жергілікті бюджеттен 22 бағдарлама бойынша 28,5 млрд.тг бөлініп, ол 2014 жылмен салыстырғанда 1,2 есеге артқанын мәлімдеді. Осы бөлінген қолдау қаржылары мен жүйелі жұмыстардың арқасында ауыл шаруашылығының егіс көлемі 772,5 мың га ұлғайған. Ал республикада жылыжайлар үлесінің 87 пайызын құрайтын өңірімізде жылыжай көлемі 1023 га жетіп, мұндағы жыл сайынғы өндірілген көкөніс көлемі 150-180 мың тоннаны құрайды. Сонымен қатар, мал шаруашылығы саласында «Ірі қара мал экспортының әлеуетін дамыту» бойынша «Сыбаға» бағдарламасымен 20,7 мың бас аналық, «Алтын асық» бағдарламасы бойынша 47,7 мың бас ұсақ мал алынса, «Құлан» бағдарламасы аясында жыл басынан бері 3894 бас жылқы алынып көрсетілген меже артығымен орындалған.
ШЕКАРА ШЕБІ: ҚАУІПСІЗДІК КЕПІЛІ
Сарыағаш шекара жасағы - еліміз тәуелсіздік алғаннан кейін алғаш ашылған шекара жасақтарының бірі болып табылады. Облыс республикамыздың оңтүстік шекарасын қорғауда...
